മലയാള സിനിമയില്‍ വീണ്ടും സജീവ സാന്നിധ്യമാകാന്‍ ഒരുങ്ങുന്ന സംവൃത സുനില്‍ കോവിഡ് പ്രതിസന്ധി മൂലം തനിക്ക് നാട്ടില്‍ വരാന്‍ കഴിയാത്തതിന്റെ ധര്‍മ്മ സങ്കടത്തെക്കുറിച്ച് തുറന്നു പറയുകയാണ്. തന്റെ കുട്ടികളെയും കൊണ്ട് നാട്ടിലേക്ക് വരാന്‍ ഇരുന്നപ്പോഴാണ് കോവിഡിന്റെ വരവെന്നും അത് കാരണം എല്ലാ പ്ലാനുകളും പൊളിഞ്ഞെന്നും ഒരു പ്രമുഖ മാഗസിനു നല്‍കിയ അഭിമുഖത്തില്‍ സംസാരിക്കവേ സംവൃത സുനില്‍ വ്യക്തമാക്കുന്നു.
‘പ്രസവ ശേഷം മൂന്നു മാസം കഴിഞ്ഞു അമ്മയ്ക്കൊപ്പം നാട്ടിലേക്ക് മടങ്ങാനായിരുന്നു പ്ലാന്‍. കോവിഡ് കാരണം എല്ലാ പ്ലാനും പൊളിഞ്ഞു. അമ്മയും അച്ഛനും അഖിലിന്റെ പേരന്‍റ്സുമെല്ലാം കുഞ്ഞുങ്ങളെ കാണാന്‍ കൊതി പിടിച്ചിരുന്നതാണ്. വീഡിയോ കോള്‍ ചെയ്യുന്നത് കൊണ്ട് കുഴപ്പമില്ലാതെ പോകുന്നു. അമ്മ വന്നിട്ടിപ്പോ പത്ത് മാസമായി കുഞ്ഞുങ്ങളെയും കൊണ്ട് ഇനി എന്ന് നാട്ടില്‍ വരാന്‍ കഴിയുമെന്ന് ഒരു ഐഡിയയുമില്ല. മാസ്കും മറ്റുമിട്ടു ഇത്രയും ദൂരം കുട്ടികള്‍ ഇരിക്കില്ല. അമ്മ അധികം വൈകാതെ തന്നെ നാട്ടിലേക്ക് മടങ്ങും. അനിയത്തി സന്‍ജുക്ത ചെന്നൈയിലെ ഒരു അമേരിക്കന്‍ മള്‍ട്ടി നാഷണല്‍ കമ്പനിയില്‍ കമ്യൂണിക്കേഷന്‍ കണ്‍സള്‍ട്ടന്റായി ജോലി ചെയ്യുന്നു. എന്റെ പ്രസവത്തിനു മുന്‍പ് അവളും ഇവിടെ തന്നെയുണ്ടായിരുന്നു. അമ്മ വരുന്നതിനു മുന്‍പ് അവളായിരുന്നു എനിക്ക് സഹായം’. സംവൃത സുനില്‍ പറയുന്നു.
Post Your Comments