പ്രേഷകരുടെ പ്രിയപ്പെട്ട നടൻ ഇന്ദ്രജിത്തിന്റെ ജന്മദിനമാണ് ഇന്ന്. അനുജനും നടനുമായ പൃഥ്വിരാജ്, ഭാര്യ പൂർണിമ ഇന്ദ്രജിത് തുടങ്ങിയവർ താരത്തിന് ആശംസയുമായി എത്തിയിരുന്നു. ഇന്ദ്രജിത്തിന്റെ വരാനിരിക്കുന്ന ഏറ്റവും പുതിയ ചിത്രമാണ് ‘ആഹാ’. നിരവധി താരങ്ങൾ അണിനിരക്കുന്ന സിനിമയുടെ ചിത്രീകരണം പുരോഗമിക്കുകയാണ്. ഇന്ദ്രജിത്തിന്റെ പിറന്നാൾ ദിനമായ ഇന്ന് തന്നെയാണ് ചിത്രത്തിലെ മനോഹരഗാനം പുറത്തുവിട്ടിരിക്കുന്നത്. ആഹാ ടീമിന്റെ പിറന്നാൾ സമ്മാനം എന്നപോലെയായിരുന്നു ഗാനത്തിന്റെ റീലീസ്.
ബിബിൻ പോൾ സാമുവൽ ഒരുക്കുന്ന ചിത്രത്തിൽ നടൻ അര്‍ജുൻ അശോകൻ പാടിയ ‘കടങ്കഥയായ്…’ എന്ന ഗാനമാണ് ഇപ്പോൾ യൂട്യൂബിലെത്തിയിരിക്കുന്നത്. മമ്മൂട്ടി, നിവിൻ പോളി, ജയസൂര്യ, ടൊവിനോ തോമസ്, അജു വർഗീസ് തുടങ്ങിയ താരങ്ങൾ ഗാനം പങ്കുവെച്ചുകൊണ്ട് സോഷ്യൽ മീഡിയയിലൂടെ ഇന്ദ്രജിത്തിന് പിറന്നാൾ ആശംസകൾ അറിയിച്ചിട്ടുണ്ട്.
ടോബിത് ചിറയത് തിരക്കഥയും സംഭാഷണവും ഒരുക്കുന്ന സിനിമയുടെ സംഗീത സംവിധാനം ഗായിക സയനോര ഫിലിപ്പാണ്. ജുബിത് നമ്പറാടത്ത്, ടിറ്റോ പി തങ്കച്ചൻ എന്നിവരാണ് ഗാനങ്ങൾ രചിച്ചിരിക്കുന്നത്. കടങ്കഥയായ് എന്നു തുടങ്ങുന്ന പാട്ട് അര്‍ജുൻ അശോകനും സയനോരയും ചേർന്നാണ് പാടിയിരിക്കുന്നത്.
Post Your Comments