തമിഴ് ആന്തോളജി ‘പാവ കഥൈകളി’ലെ തങ്കം എന്ന ചിത്രത്തിന്റെ ടീസർ പുറത്തുവിട്ടു. സുധ കൊങ്കര സംവിധാനം ചെയ്‍തിരിക്കുന്ന ‘തങ്കം’ എന്ന ചിത്രത്തില്‍ ശാന്തനവും കാളിദാസും പ്രധാനവേഷത്തില്‍ എത്തുന്നു. ചിത്രത്തിൽ കാളിദാസ് മികച്ച പ്രകടനമാണ് കാഴ്ചവെക്കുന്നത്. നിരവധി പേരാണ് ടീസറിന് കമൻറ്റുമായെത്തിയിരിക്കുന്നത്.
സത്താര്‍ എന്ന കഥാപാത്രമായാണ് കാളിദാസ് എത്തുന്നത്. വെട്രിമാരന്‍, ഗൗതം വാസുദേവ മേനോന്‍, വിഘ്‌നേഷ് ശിവന്‍ തുടങ്ങിയ തമിഴിലെ മുൻനിര സംവിധായകർ ഒരുക്കിയ നാല് ചെറുസിനിമകളുടെ സമാഹാരമാണ് പാവ കഥൈകള്‍.
ലവ് പണ്ണ ഉട്രനും എന്ന പേരിലാണ് വിഘ്‌നേഷ് ശിവന്‍ ചിത്രം ഒരുക്കുന്നത്. അഞ്ജലിയും കല്‍ക്കിയുമാണ് പ്രധാന കഥാപാത്രങ്ങള്‍. വെട്രിമാരന്‍ ഒരുക്കുന്ന ഊര്‍ ഇരവില്‍ പ്രകാശ് രാജ്, സായ് പല്ലവി, ഹരി എന്നിവരാണ് കഥാപാത്രങ്ങള്‍. വാന്‍മകള്‍ എന്ന പേരിലാണ് ഗൗതം വാസുദേവ മേനോന്റെ സിനിമ. ബോളിവുഡിലെ മുന്‍നിര നിര്‍മ്മാതാവായ റോണി സ്‌ക്രൂവാലയുടെ ആര്‍എസ് വിപി മൂവീസാണ് നിർമാണം. നെറ്റ്ഫ്ലിക്സിലൂടെ ഡിസംബർ 18 മുതൽ ചിത്രം സ്ട്രീം ചെയ്തു തുടങ്ങുമെന്നാണ് റിപ്പോർട്ട്.
Post Your Comments