പ്രേഷകരുടെ പ്രിയപ്പെട്ട ബോളിവുഡ് താരമാണ് ആമിർ ഖാൻ. പിതാവിന് പിന്നാലെ മകനും സിനിമയിൽ അരങ്ങേറ്റം കുറിക്കാനൊരുങ്ങുകയാണ്. യഷ് രാജ് ഫിലിംസിന്റെ ചിത്രത്തിലൂടെയാണ് ജുനൈദ് ഖാൻ ബോളിവുഡിലേക്ക് അരങ്ങേറുന്നത്.
ഹിച്ച്കിയുടെ സംവിധായകൻ സിദ്ധാർത്ഥ് പി മൽഹോത്രയാണ് ചിത്രം സംവിധാനം ചെയ്യുന്നത്. ബിഗ് ബജറ്റിൽ ഒരുക്കുന്ന ചരിത്ര സിനിമയായിരിക്കും എന്നാണ് റിപ്പോർട്ടുകൾ.
മഹാരാജ എന്നാണ് ചിത്രത്തിന് പേര് നൽകിയിരിക്കുന്നതെന്നും വാർത്തകളുണ്ട്. ഷർവാരി വാഗ് ആയിരിക്കും നായികയായി എത്തുക.
നേരത്തേ, ഷെയ്ൻ നിഗം നായകനായ മലയാള ചിത്രം ഇഷ്കിന്റെ റീമേക്കിലൂടെ ജുനൈദ് ഖാൻ അരങ്ങേറ്റം കുറിക്കുമെന്ന് വാർത്തകൾ വന്നിരുന്നു. നാടകരംഗത്ത് സജീവമാണ് ജുനൈദ് ഖാൻ.
Post Your Comments