ടെൻ ഇയർ ചലഞ്ചുമായി അജു വർഗ്ഗീസ് ; ചിത്രം കാണാം

പ്രേഷകരുടെ പ്രിയപ്പെട്ട നടനാണ് അജു വർഗ്ഗീസ്. സഹനടനായും ഹാസ്യതാരവുമായൊക്കെ തുടക്കമിട്ട താരമിപ്പോൾ സഹ സംവിധായകനായും നിർമ്മാതാവായുമൊക്കെ തിളങ്ങുകയാണ്. ഇപ്പോഴിതാ തിരക്കഥാ രചനയിലേക്കും പ്രവേശിക്കാനൊരുങ്ങുകയാണ് താരം. അജു നായകനായെത്തുന്ന ഏറ്റവും പുതിയ ചിത്രമായ ‘സാജൻ ബേക്കറി സിൻസ് 1962 .’ ഈ ചിത്രത്തിനുവേണ്ടിയാണ് അരുൺ ചന്തുവിനൊപ്പം ചേർന്ന് താരം തിരക്കഥ എഴുതുന്നത്. ഇപ്പോഴിതാ അജു ‘ടെൻ ഇയർ’ ചലഞ്ചുമായി എത്തിയിരിക്കുകയാണ്.

2010ൽ മലര്‍വാടി ആര്‍ട്സ് ക്ലബ്ബിൽ അഭിനയിച്ചപ്പോഴുള്ള ചിത്രവും 2020 ആയപ്പോൾ തനിക്കുവന്ന മാറ്റവും പ്രകടമാക്കുന്ന ചിത്രമാണ് അജു പങ്കുവെച്ചിരിക്കുന്നത്. രസകരമായ നിരവധി കമന്‍റുകളും ചിതത്തിന് താഴെ ലഭിച്ചിട്ടുണ്ട്. ഇനിയും വളരട്ടെ, കണ്ടിട്ട് 20ഇയർ ചലഞ്ച് പോലുണ്ട് തുടങ്ങി നിരവധി കമെന്റുകളാണ് ചിത്രത്തിന് വരുന്നത്.

സാജൻ ബേക്കറി സിൻസ് 1962, ജാക്ക് ആൻഡ് ജിൽ, ടിസുനാമി, ഖാലി പേഴ്സ് ഓഫ് ദി ബില്യനേഴ്സ് തുടങ്ങി നിരവധി സിനിമകളാണ് ഈ വര്‍ഷം അജുവിന്‍റേതായി റിലീസിനായി ഒരുങ്ങുന്നത്.