ബോളിവുഡ് നടൻ വരുൺ ധവാന് കോവിഡ് സ്ഥിരീകരിച്ചു. വരുൺ ഇക്കാര്യം വെളിപ്പെടുത്തിയത്. രാജ്മേത്തയുടെ പുതിയ ചിത്രം ജഗ് ജഗ് ജീയോയുടെ ചിത്രീകരണത്തിനായി ചണ്ഡിഗഢിലായിരുന്നു താരം. ഇതിനിടെയാണ് കോവിഡ് ബാധിച്ചത്.
‘പകർച്ചാവ്യാധി കാലഘട്ടത്തിൽ ഞാൻ ജോലിയിൽ തിരിച്ചെത്തിയപ്പോൾ എനിക്ക് കോവിഡ് ബാധിച്ചു. എല്ലാ മുൻകരുതലുകളും നിർമാതാക്കൾ സ്വീകരിച്ചെങ്കിലും ജീവിതത്തിൽ ഒന്നും ഉറപ്പില്ല. അതിനാൽ കൂടുതൽ ശ്രദ്ധാലുവായിരിക്കുക.എനിക്ക് കൂടുതൽ ശ്രദ്ധാലുവാകാൻ കഴിയുമെന്ന് ഞാൻ വിശ്വസിക്കുന്നു. വേഗത്തിൽ സുഖം പ്രാപിക്കുന്നത് ആശംസിച്ചു കൊണ്ടുള്ള സന്ദേശങ്ങൾക്ക് നന്ദി അറിയിക്കുന്നു- വരുൺ കുറിച്ചു.
അനിൽ കപൂറും കിയാരയും നെഗറ്റീവ് ആണെന്ന് നേരത്തെ സ്ഥിരീകരിച്ചിരുന്നു. കരൺ ജോഹറിന്റെ ധർമ്മ പ്രൊഡക്ഷൻസാണ് ജഗ് ജഗ് ജിയോ നിർമ്മിക്കുന്നത്. എന്നാൽ പ്രൊജക്റ്റിനെക്കുറിച്ച് ഇതുവരെ നിർമ്മാതാക്കൾ വെളിപ്പെടുത്തിയിട്ടില്ല.
Post Your Comments