പവർ ഉണ്ടെങ്കിലേ കൂടെ ആളുണ്ടാകൂ എന്നു രാഷ്ട്രീയത്തിൽ അച്ഛന്റെ അനുഭവം കണ്ടു ഞാൻ പഠിച്ചു; ജീത്തു ജോസഫ്

ദൃശ്യം എന്ന ചിത്രത്തിലൂടെ ആരാധക പ്രീതി നേടിയ സൂപ്പർ ഹിറ്റ് സംവിധായകനാണ് ജീത്തു ജോസഫ്. മോഹൻലാലിനെ നായകനാക്കി ദൃശ്യത്തിന്റെ രണ്ടാം ഭാഗം ഒരുക്കുകയാണ് താരം. ഇപ്പോഴിതാ കൃഷി, രാഷ്ട്രീയം ഇതിലൊന്നു തിരഞ്ഞെടുക്കേണ്ടി വന്നാൽ എന്തു തീരുമാനിക്കുമെന്ന് തുറന്നു പറയുകയാണ് ജീത്തു ജോസഫ്.

”മുവാറ്റുപുഴയിൽ നിന്ന് എംഎൽഎ ആയ ആളാണ് അച്ഛൻ വി.വി. ജോസഫ്. മക്കളാരും രാഷ്‌ട്രീയത്തിലേക്ക് വരരുത് എന്നായിരുന്നു അദ്ദേഹത്തിന്റെ ആഗ്രഹം. പവർ ഉണ്ടെങ്കിലേ കൂടെ ആളുണ്ടാകൂ എന്നു രാഷ്ട്രീയത്തിൽ അച്ഛന്റെ അനുഭവം കണ്ടു ഞാൻ പഠിച്ചു, സിനിമയും അങ്ങനെ തന്നെ. കർഷക കുടുംബമായിരുന്നു ഞങ്ങളുടേത്. അതുകൊണ്ട് സമാധാനത്തോടെയും സന്തോഷത്തോടെയും ജീവിക്കാൻ കൃഷിയേ തിരഞ്ഞെടുക്കൂ.” വനിതയ്ക്ക് നൽകിയ അഭിമുഖത്തിൽ ജിത്തു ജോസഫ് പറഞ്ഞു