പ്രേഷകരുടെ പ്രിയപ്പെട്ട നടിയാണ് അനുശ്രീ. സിനിമാ തിരക്കുകൾക്കിടയിലും തന്റെ കുടുംബത്തിനൊപ്പവും സുഹൃത്തുക്കൾക്കൊപ്പവും ചിലവഴിക്കാൻ താരം സമയം കണ്ടെത്താറുണ്ട്. ഇപ്പോഴിതാ ഇലക്ഷൻ പ്രചാരണത്തിന് ഇറങ്ങിയ താരത്തിന്റെ വീഡിയോ ആണ് സമൂഹമാധ്യമങ്ങളിൽ വൈറലായി മാറുന്നത്. കോണ്‍ഗ്രസ് സ്ഥാനാര്‍ത്ഥിയുടെ പ്രചാരണത്തിലാണ് അനുശ്രീ എത്തിയത്. വെറുമൊരു സ്ഥാനാർഥിക്കുവേണ്ടിയല്ല തരാം ഇറങ്ങിയത്. തന്റെ സുഹൃത്തായ റിനോയ് വര്‍ഗീസിനുവേണ്ടിയാണ് താരം വോട്ട് പിടിക്കാൻ ഇറങ്ങിയത്.
പത്തനംതിട്ട ചെന്നീര്‍ക്കര പഞ്ചായത്തിലെ യുഡിഎഫ് സ്ഥാനാര്‍ത്ഥിയാണ് റിനോയ് വർഗീസ്. റിനോയ് ജയിച്ചാല്‍ നാടിന് വേണ്ടി ചെയ്യാന്‍ കഴിയുന്ന കാര്യങ്ങള്‍ തീര്‍ച്ചയായും ചെയ്യുമെന്ന പൂര്‍ണവിശ്വാസം തനിക്കുണ്ടെന്നും എല്ലാ യുഡിഎഫ് സ്ഥാനാര്‍ത്ഥികള്‍ക്കും താന്‍ വിജയാശംസ നേരുന്നതായും അനുശ്രീ പ്രസംഗത്തിനിടെ പറഞ്ഞു.
അനുശ്രീ എത്തിയതോടെ നാട്ടുകാരും അനുശ്രീക്കൊപ്പം സെല്‍ഫിയെടുക്കാന്‍ ഒത്തുകൂടി. ‘രാഷ്ട്രീയ പരിപാടികളിൽ പോയി പരിചയമില്ല. ഇന്ന് ഇവിടെ വന്നതിന്റെ കാരണം റിനോയ് ചേട്ടൻ തന്നെയാണ്. വളരെ സന്തോഷം. ഒരുപാട് വർഷമായി വ്യക്തിപരമായി അറിയാവുന്ന സുഹൃത്ത് ഇവിടെ വരെ എത്തിയതിൽ അതിേലറെ സന്തോഷിക്കുന്ന സുഹൃത്താണ് ഞാൻ.
രാഷ്ട്രീയം പറയുന്ന വേദികളിൽ പോകാറില്ല, കാരണം അവിടെ പറയുന്ന കാര്യങ്ങൾ വേറെ രീതിയിലാകും പലരും വ്യാഖ്യാനിക്കുക. പണ്ടേ തമാശയ്ക്ക് ചോദിച്ചിട്ടുണ്ട്, നിങ്ങൾക്ക് ഇലക്‌ഷനു വല്ലോം നിന്നു കൂടെ എന്ന്. എന്തായാലും അത് സംഭവിച്ചു.’–അനുശ്രീ പറയുന്നു.
Post Your Comments