മലയാളി പ്രേഷകരുടെ സ്വകാര്യ അഹങ്കാരമാണ് മമ്മൂട്ടി എന്ന നടൻ. കൊവിഡ് പശ്ചാത്തലത്തിൽ വീട്ടിൽ കുടുംബത്തോടൊപ്പം തന്നെയായിരുന്നു താരം. ഇപ്പോഴിതാ താരം വീണ്ടും സ്‌ക്രീനിലേക്കെത്തുകയാണ്. ഇടവേളയ്ക്ക് ശേഷം താരം ആദ്യം അഭിനയിച്ചത് സിനിമയിലല്ല എന്ന പ്രത്യേകത കൂടി ഉണ്ട്.
ഒരു പരസ്യ ചിത്രത്തിനായിട്ടായിരുന്നു ഷൂട്ട്.മത്സരപരീക്ഷകള്‍ക്കുള്ള ഓൺലൈൻ പരിശീലന ആപ്ലിക്കേഷനായ സൈലത്തിന്‍റെ പരസ്യത്തിന്‍റെ ചിത്രീകരണത്തിലാണ് അദ്ദേഹം പങ്കെടുത്തത്. ഇതിന്റെ ഒഫീഷ്യൽ ബ്രാൻഡ് അംബാസഡര്‍ കൂടിയാണ് മമ്മൂട്ടി.
എറണാകുളം പാതാളത്തുള്ള വിവിഎം സ്റ്റുഡിയോയിലായിരുന്നു പരസ്യ ചിത്രീകരണം. ഉടൻ അദ്ദേഹത്തിന്‍റെ മുടങ്ങി നില്‍ക്കുന്ന സിനിമകളുടെ ചിത്രീകരണം വീണ്ടും ആരംഭിക്കുമെന്ന പ്രതീക്ഷയിലാണ് ആരാധകരും സിനിമാലോകവും. അദ്ദേഹം ഒടുവിലായി അഭിനയിച്ച ദ പ്രീസ്റ്റിന്‍റെ ഡബ്ബിങ് പൂര്‍ത്തിയാക്കാനുണ്ട്.
Post Your Comments