പ്രേഷകരുടെ പ്രിയപ്പെട്ട നടിയാണ് സംവൃത സുനിൽ. നിരവധി നല്ല ചിത്രങ്ങളിൽ അഭിനയിച്ച താരം വിവാഹ ശേഷം സിനിമയിൽ നിന്ന് വിട്ടു നിന്നെങ്കിലും അടുത്തിടയിൽ ബിജുമേനോൻ ചിത്രം സത്യം പറഞ്ഞാൽ വിശ്വസിക്കുവോയിലൂടെ തിരിച്ചെത്തി. ഇപ്പോഴിതാ സംവൃത സുനിൽ വീണ്ടും മലയാളത്തിൽ അഭിനയിക്കാനൊരുങ്ങുകയാണ്. വനിതയ്‍ക്ക് നൽകിയ അഭിമുഖത്തിലാണ് സംവൃത സുനിൽ ഇക്കാര്യം വെളിപ്പെടുത്തിയത്.
ഇപ്പോൾ അനൂപ് സത്യന്റെ സിനിമയിലാണ് സംവൃത സുനിൽ അഭിനയിക്കുന്നത്. അമേരിക്കയിൽ നിന്നുതന്നെ സംവൃത സുനിൽ ചിത്രത്തിൽ അഭിനയിക്കുന്ന രീതിയിലാണ് ചിത്രീകരണം ആലോചിച്ചിരിക്കുന്നത്. സിനിമയുടെ പ്രമേയം സംബന്ധിച്ച് വിവരങ്ങൾ പുറത്തുവിട്ടിട്ടില്ല.
വിവാഹം കഴിഞ്ഞ് ഭർത്താവിനൊപ്പം അമേരിക്കയിൽ താമസമാക്കിയ സംവൃത സുനിൽ സത്യം പറഞ്ഞാൽ വിശ്വസിക്കുവോ എന്ന സിനിമയുടെ ചിത്രീകരണത്തിന് നാട്ടിൽ എത്തി സിനിമയിലെ തന്റെ ഭാഗങ്ങൾ തീർത്ത് തിരിച്ചുപോകുകയായിരുന്നു. അഖിൽ ജയരാജ് ആണ് സംവൃതയുടെ ഭർത്താവ്.അഗസ്ത്യ അഖിൽ, രുദ്ര അഖിൽ മക്കളാണ്.
Post Your Comments