വിവാഹത്തോടെ അഭിനയ രംഗത്ത് നിന്നും ഇടവേളയെടുത്ത താരമാണ് കനിഹ. സോഷ്യല്‍ മീഡിയയിൽ സജീവമായ കനിഹ ആരാധകരുമായി തുറന്നു സംസാരിക്കാറുണ്ട്. ശരീരത്തെക്കുറിച്ചും സൈബര്‍ ആക്രമണങ്ങളെക്കുറിച്ചുമെല്ലാമുള്ള തന്റെ അഭിപ്രായം പങ്കുവെക്കാറുള്ള താരമിപ്പോൾ മേക്കപ്പിന്റേയും ബ്രാന്റഡ് വസ്ത്രങ്ങളുടേയും അമിത ഭാരമില്ലാതെ കാഷ്യല്‍ ലുക്കിലുള്ള ചിത്രങ്ങളുമായി എത്തിയിരിക്കുകയാണ്. അതിനെക്കുറിച്ചു താരം പറയുന്നതിങ്ങനെ..
ഷോര്‍ട്‌സും ബനിയനും ധരിച്ച്‌ വീടിനുള്ളില്‍ നിന്നുള്ള ചിത്രങ്ങള്‍ക്കൊപ്പമാണ് താരം കാരണം വ്യക്തമാക്കിയത്.
read also:ക്യാമറക്ക് മുന്നിൽ പുറം തിരിഞ്ഞ് വിക്രം ; സംവിധായകൻ അജയ് ജ്ഞാനമുത്തു പുറത്തുവിട്ട ചിത്രം വൈറലാകുന്നു
”അടുത്തിടെയായി എന്റെ ഇന്‍സ്റ്റഗ്രാം പോസ്റ്റിനെക്കുറിച്ച്‌ ചോദ്യമുയര്‍ന്നു. മേക്കപ്പും മനോഹരമായ പശ്ചാത്തലവും ഇല്ലാതെ ബ്രാന്‍ഡഡ്, ഡിസൈനര്‍ വസ്ത്രങ്ങള്‍ ധരിക്കാതെയുള്ള സാധാരണ ചിത്രങ്ങള്‍ എപ്പോഴും പങ്കുവെക്കുന്നത് എന്താണെന്ന്. ഇവിടെ നിങ്ങള്‍ യഥാര്‍ത്ഥ എന്നെ കാണണമെന്നാണ് ഞാന്‍ ആഗ്രഹിക്കുന്നത്. ഞാന്‍ ഇങ്ങനെയാണ്. എന്റെ എല്ലാ അപൂര്‍ണതയും ഞാന്‍ അംഗീകരിക്കുന്നുണ്ട്. നിങ്ങളും ഇവ അംഗീകരിക്കുമെന്ന് വിശ്വസിക്കുന്നു. ഞാനല്ലാത്ത ഒരു മുഖത്തിന് പ്രാധാന്യം നല്‍കേണ്ടതുണ്ടോ? ഞാന്‍ എങ്ങനെയാണ് അങ്ങനെതന്നെ ഇരിക്കും. ഞാനായിരുന്നുകൊണ്ട് കുറച്ചുപേര്‍ക്കെങ്കിലും പ്രോത്സാഹനമാകാന്‍ കഴിഞ്ഞാല്‍ അത് വലിയ വിജയമായി കാണുന്നു.” – കനിഹ കുറിച്ചു.
Post Your Comments