മലയാളത്തിന്റെ പ്രിയ താരം നിവിൻ പോളിയുടെ ഏറ്റവും പുതിയ ചിത്രമാണ് പടവെട്ട്. സണ്ണി വെയ്ൻ നിർമ്മിക്കുന്ന ചിത്രത്തിൽ ലിജു കൃഷ്ണ എഴുതി സംവിധാനം ചെയ്യുന്ന ചിത്രമാണ് പടവെട്ട്. കൊച്ചിയിൽ പടവെട്ടിന്റെ ഡബ്ബിങ് പുരോഗമിക്കുന്ന വേളയിൽ രസകരമായ ഒരു വർക്കിംഗ് വീഡിയോ പങ്കുവെച്ചിരിക്കുകയാണ് ചിത്രത്തിന്റെ നിർമാതാവായ സണ്ണി വെയ്ൻ.
സാധാരണക്കാരായ ഒരു കൂട്ടം നാട്ടുകാർ തങ്ങളുടെ ഡബ്ബിങ് പൂർത്തീകരിച്ച ശേഷം സണ്ണി വെയ്‌നും നിവിൻ പോളിക്കും ആശംസകളും തങ്ങളുടെ സന്തോഷവും പങ്കുവെച്ചുകൊണ്ടുള്ളതാണ് ആ വീഡിയോ. അടുത്ത ഷെഡ്യൂൾ ചിത്രീകരണം ജനുവരി അവസാനത്തോടുകൂടി തുടങ്ങാനുള്ള തയ്യാറെടുപ്പിലാണ് അണിയറപ്രവർത്തകർ.
അരുവി എന്ന ചിത്രത്തിലൂടെ തെന്നിന്ത്യൻ സിനിമയിൽ ശ്രദ്ധ നേടിയിട്ടുള്ള അദിതി ബാലനാണ് പടവെട്ടിലെ നായിക. സണ്ണി വെയ്ൻ, ഷമ്മി തിലകൻ, ഷൈൻ ടോം ചാക്കോ, ഇന്ദ്രൻസ്, സുധീഷ്, വിജയരാഘവൻ എന്നീ പേരുകൾക്കൊപ്പം സുപ്രധാനമായ ഒരു ഭാഗമായി മഞ്ജു വാര്യരും അഭിനയിക്കുന്നു.
Post Your Comments