പ്രേഷകരുടെ പ്രിയങ്കരനായ നടനാണ് പ്രഭാസ്. ബാഹുബലി എന്ന ചിത്രത്തിലൂടെ തെലുങ്ക് നടനായ പ്രഭാസിന് മലയാളത്തിലും നിരവധി ആരാധകരെ സൃഷ്ടിച്ചെടുക്കാൻ സാധിച്ചു. ഇപ്പോഴിതാ കെജിഎഫ് എന്ന ഹിറ്റുമായി ശ്രദ്ധേയനായ പ്രശാന്ത് നീൽ പ്രഭാസിനെ നായകനാക്കി സംവിധാനം ചെയ്യുന്ന പുതിയ സിനിമയും പ്രഖ്യാപിച്ചിരിക്കുകയാണ്. ചിത്രത്തിന്റെ ഫസ്റ്റ് ലുക്ക് പോസ്റ്ററും പുറത്തുവിട്ടു. പ്രശാന്ത് നീൽ ചിത്രത്തിന്റെ പ്രി പ്രൊഡക്ഷൻ ജോലികൾ നേരത്തെ തുടങ്ങിയിരുന്നു.
ചിത്രത്തിന് സലാർ എന്നാണ് ചിത്രത്തിന് പേരിട്ടിരിക്കുന്നത്. ഒരു ആക്ഷൻ എന്റെർടെയ്‍നറാണ് ഇത്. ഏറ്റവും ആക്രമണകാരിയായ മനുഷ്യൻ എന്നാണ് ഫസ്റ്റ് ലുക്കിൽ ടാഗ്‍ലൈനായിട്ട് എഴുതിയിരിക്കുന്നത്. അടുത്തവർഷം പകുതിയോടെ സിനിമയുടെ ചിത്രീകരണം ആരംഭിക്കുകയുള്ളൂ. രാധേ ശ്യാം ആണ് പ്രഭാസിന്റെതായി ഉടൻ റിലീസ് ചെയ്യാനുള്ള ചിത്രം.
Post Your Comments