മലയാളികളുടെ പ്രിയങ്കരിയായ നടിയാണ് ആശാ ശരത്ത്. അടുത്തിടയിൽ താരത്തിന്റെ മകൾ ഉത്തര ശരത്ത് സിനിമയിലേക്കെത്തുന്നുവെന്നത് വാർത്തയായിരുന്നു. ഇപ്പോഴിതാ സിനിമയുടെ സെറ്റിൽ വച്ച് പിറന്നാൾ ആഘോഷിച്ച ഉത്തരയുടെ ചിത്രങ്ങളാണ് പുറത്തുവരുന്നത്.
അച്ഛനും അമ്മയ്ക്കും ഒപ്പം അണിയറ പ്രവർത്തകർക്കും സുഹൃത്തുക്കൾക്കും ബിരിയാണി വിതരണം ചെയ്താണ് ഉത്തര തൻറെ പിറന്നാൾ ആഘോഷിച്ചത്. കേക്ക് മുറിച്ച് എല്ലാവർക്കും മധുരം പങ്കിട്ട് ഉത്തര പിറന്നാൾ ആഘോഷം ഗംഭീരമാക്കിയിരിക്കുകയാണ്.
ആദ്യസിനിമയുടെ ലൊക്കേഷനിൽ പിറന്നാൾ ആഘോഷിക്കാൻ കഴിഞ്ഞത് ഇരട്ടിമധുരമായെന്ന് ഉത്തര പറഞ്ഞു. ആശാ ശരത്തും ഉത്തരയും അമ്മയും മകളുമായി ഒന്നിച്ച് അഭിനയിക്കുന്ന ഖെദ്ദയുടെ പ്രധാന ലൊക്കേഷൻ ആലപ്പുഴ എഴുപുന്നയിലാണ്.
ബെൻസി പ്രൊഡക്‌ഷൻസിൻറെ ബാനറിൽ ബെൻസി നാസർ നിർമിക്കുന്ന ഖെദ്ദയുടെ ചിത്രീകരണം പുരോഗമിക്കുകയാണ്. മനോജ് കാനയാണ് സംവിധാനം.
Post Your Comments