പകൽക്കിനാവ് കണ്ട് നസ്രിയ ; ചിത്രം ഏറ്റെടുത്ത് ആരാധകർ

ആരാധകരുടെ പ്രിയങ്കരിയായ നടിയാണ് നസ്രിയ നസീം. ഫഹദ് ഫാസിലുമായുള്ള നസ്രിയയുടെ വിവാഹം വാർത്തകളിൽ ഇടംപിടിച്ചിരുന്നു. മലയാള സിനിമയിലെ ആരാധകരുടെ ഇഷ്ടപെട്ട താരജോഡികളാണ് ഫഹദും നസ്രിയയും. നസ്രിയയുടെ ഫോട്ടോയ്ക്ക് നിരവധി കമന്റുകളും ലൈക്കുകളുമാണ്‌ കിട്ടുന്നത്. ഇപ്പോഴിതാ താരം പങ്കുവെച്ച പുതിയ ചിത്രമാണ് സമൂഹമാധ്യമങ്ങളിൽ വൈറലാകുന്നത്. പകൽ കിനാവ് എന്ന ക്യാപ്ഷനോടെ വെറുതേ താടിയ്ക്ക് കൈയും കൊടുത്ത് ഇരിയ്ക്കുന്ന ഒരു ഫോട്ടോയാണ് നസ്രിയ ഷെയർ ചെയ്തിരിക്കുന്നത്.

നിരവധി പേരാണ് ചിത്രത്തിന് ലൈക്കും കമന്റും ചെയ്തിരിക്കുന്നത്. നസ്‌റിയ പകൽ കിനാവ് കാണുമ്പോൾ, ഞങ്ങളുടെ സ്വപ്‌നം നസ്‌റിയയെ കുറിച്ചാണെന്ന് പറയുന്ന ആരാധകരും കമന്റ് ബോക്‌സിലുണ്ട്. ട്രാൻസിനു ശേഷം തെലുങ്കിലേക്കും അരങ്ങേറ്റം കുറിക്കാനൊരുങ്ങുകയാണ് ഇപ്പോൾ നസ്രിയ. യുവ താരം നാനിയ്‌ക്കൊപ്പമാണ് നസ്‌റിയ അഭിനയിക്കുന്നത്. ഇത് സംബന്ധിച്ച വാർത്തകൾ ഇതിനോടകം ആരാധകർ ഏറ്റെടുത്തു കഴിഞ്ഞു.