ചുരുങ്ങിയ സമയം കൊണ്ട് പ്രേക്ഷക മനസ്സിൽ ഇടം നേടിയെടുത്ത നടനാണ് ജോജു ജോർജ്. വില്ലനായും നടനായും തുടങ്ങി നിരവധി കഥാപാത്രങ്ങൾ നിഷ്പ്രയാസം കൈകാര്യം ചെയ്യുന്നയാളാണ് ജോജു. ഇപ്പോഴിതാ പഴയ ആർ.സി. 100 ബൈക്ക് ഉയർത്തുന്ന ജോജു ജോർജിന്റെ ചിത്രമാണ് സമൂഹമാധ്യമങ്ങളിൽ ശ്രദ്ധേയമാവുന്നത്.
ജോജുവിന്റെ പുതിയ ചിത്രം ‘പീസിന്റെ’ ലൊക്കേഷനിൽ നടന്ന രസകരമായ നിമിഷമാണ് ചിത്രത്തിൽ കാണുന്നത്. സ്ക്രിപ്റ്റ് ഡോക്ടർ പിക്ചേഴ്സിന്റെ ബാനറിൽ നിർമ്മിച്ച് നവാഗതനായ സൻഫീർ കെ. സംവിധാനം ചെയ്യുന്ന ജോജു ജോർജ് നായകനായ ഈ സിനിമയുടെ ചിത്രീകരണം നവംബർ 16ന് തൊടുപുഴയിൽ ആരംഭിച്ചു.
സിദ്ദീഖ്, ഷാലു റഹീം, വിജിലേഷ്, ആശാ ശരത്ത്, ലെന, അതിഥി രവി തുടങ്ങിയവരാണ് മറ്റു താരങ്ങൾ. ചിത്രത്തിന്റെ തിരക്കഥ, സംഭാഷണം സഫർ സനൽ, രമേഷ് ഗിരിജ എന്നിവർ ചേർന്ന് നിർവഹിക്കും. ക്യാമറ: ഷമീർ ഗിബ്രൻ, എഡിറ്റർ: നൗഫൽ അബ്ദുള്ള, ആർട്ട്‌ ശ്രീജിത്ത്: ഓടക്കാലി, സംഗീതം: ജുബൈർ മുഹമ്മദ്, പ്രൊജക്ട് ഡിസൈനർ: ബാദുഷ.
Post Your Comments