ആരാധകരുടെ പ്രിയ താരമാണ് നസ്രിയ നസീം. വിവാഹത്തിനു ശേഷം താരം സിനിമയിൽ നിന്ന് വിട്ടുനിന്നെങ്കിലും സമൂഹമാധ്യമങ്ങളിൽ സജീവമായിരുന്നു. നീണ്ട നാളത്തെ ഇടവേളയ്ക്ക് ശേഷം ഇപ്പോഴിതാ നസ്രിയ നസീം തെലുങ്കിൽ അരങ്ങേറ്റം കുറിക്കാൻ ഒരുങ്ങുകയാണ്.’അണ്ടെ സുന്ദരാനികി’ എന്ന് പേരിട്ടിരിക്കുന്ന ചിത്രത്തിൽ നാനി കേന്ദ്ര കഥാപാത്രത്തെ അവതരിപ്പിക്കുന്നു. ചിത്രത്തിന്റെ ടൈറ്റിൽ വീഡിയോ പുറത്ത് വിട്ടു.
“ഇതുവരെ പ്രണയിക്കാത്തപോലെ പ്രണയിക്കൂ, ഇതുവരെ ചിരിക്കാത്ത പോലെ ചിരിക്കൂ” എന്ന് കുറിച്ചാണ് നസ്രിയ ചിത്രത്തിന്റെ ടൈറ്റിൽ പങ്കുവച്ചത്. ഒരു മ്യൂസിക്കൽ റൊമാന്റിക് കോമഡി ചിത്രമായൊരുക്കുന്ന അണ്ടെ സുന്ദരാനികി നിർമിക്കുന്നത് മൈത്രി മൂവി മേക്കേഴ്സാണ്. 2021 ൽ ചിത്രീകരണം ആരംഭിക്കുമെന്നാണ് റിപ്പോർട്ടുകൾ.
വിവേക് അത്രേയ ആണ് സിനിമ സംവിധാനം ചെയ്യുന്നത്.വിവേക് സാഗറാണ് സംഗീത സംവിധാനം. രവിതേജ ഗിരിജാലയാണ് എഡിറ്റർ. നികേത് ബൊമ്മി ഛായാഗ്രാഹണം നിർവഹിക്കുന്നു.പി.ആർ.ഒ- വംശി ശേഖർ, ആതിര ദിൽജിത്ത്.
തെലുങ്ക് സിനിമയിൽ അഭിനയിക്കുന്നതിന്റെ ആവേശത്തിലാണ് താൻ എന്ന് നസ്രിയ നേരത്തെ പറഞ്ഞിരുന്നു. നസ്രിയ മുമ്പ് തമിഴ് ചിത്രത്തിലും അഭിനയിച്ചിട്ടുണ്ട്. ഫഹദ് നായകനായ ട്രാൻസ് ആണ് നസ്രിയയുടേതായി ഒടുവിൽ റിലീസായ ചിത്രം.
Post Your Comments