ഈ ലോകത്താരും കോവിഡ് പ്രതിരോധ വാക്സിന് കണ്ടുപിടിക്കുമെന്ന് താന്‍ വിശ്വസിക്കുന്നില്ലെന്ന് തെലുങ്ക് താരം നന്ദമൂരി ബാലകൃഷ്ണ. കൊറോണ വൈറസ് ഒരിക്കലും ഭൂമിയില്‍ നിന്ന് അപ്രത്യക്ഷമാകില്ല, കോവിഡിനൊപ്പം ജീവിക്കാന്‍ പഠിക്കണം എന്നാണ് ബാലകൃഷ്ണ ഒരു പൊതുപരിപാടിയില്‍ പറഞ്ഞിരിയ്ക്കുന്നത്.
ആരും ഇതുവരെ വൈറസിനെ പ്രതിരോധിക്കാന്‍ മരുന്ന് കണ്ടെത്തിയിട്ടില്ല, ഇനി കണ്ടുപിടിക്കാനും പോകുന്നില്ല എന്നും കോവിഡിനെ ചെറുക്കാനായി തന്റെ ചില മുന്‍കരുതലുകളെ കുറിച്ചും ബാലകൃഷ്ണ പറഞ്ഞു. കോവിഡ് കാലത്ത് തണുത്ത വെള്ളത്തില്‍ കുളിക്കണമെന്ന് പറയുന്നത് തെറ്റായ ഉപദേശമാണ്. രണ്ടു നേരവും ചൂടുവെള്ളത്തില്‍ തന്നെ കുളിക്കണമെന്ന് നന്ദമൂരി ഉപദേശിയ്ക്കുന്നു.ദിവസവും രണ്ടു നേരം ചൂടുവെള്ളം ഉപയോഗിച്ച് ഗാര്‍ഗിള്‍ ചെയ്യുകയും വേണം, രോഗപ്രതിരോധശേഷി വര്‍ദ്ധിപ്പിക്കുവാനുള്ള ശ്രമങ്ങൾ നടത്തണമെന്നും ബാലയ്യ .
ജീവിതത്തിൽ താനൊരു ദൈവവിശ്വാസിയാണ്, എപ്പോഴും വേദമന്ത്രങ്ങള്‍ ഉരുവിടാറുണ്ട്. മന്ത്രങ്ങള്‍ ഉരുവിടുമ്പോള്‍ ആത്മവിശ്വാസം വര്‍ദ്ധിക്കുകയും ഈശ്വരന്‍ എന്തിനെയും നേരിടാനുള്ള കരുത്ത് തനിക്ക് നല്‍കുന്നുവെന്നും ബാലകൃഷ്ണ പറഞ്ഞു.
Post Your Comments