നിങ്ങൾ കരുതുന്നപോലെ ഓടിപ്പിടിച്ച് ചെയ്യാവുന്ന സിനിമയല്ല ഒറ്റക്കൊമ്പൻ, പുലിമുരുകനും പോക്കിരി രാജയും പോലെ സമയമെടുത്ത് ചെയ്യേണ്ട ചിത്രമാണത്

സൂപ്പർ താരം സുരേഷ് ഗോപിയെ നായകനാക്കി നവാഗതനായ മാത്യൂസ് തോമസ് ഒരുക്കുന്ന ചിത്രമാണ് ഒറ്റക്കൊമ്പൻ. നടന്റെ കരിയറിലെ ഇരുന്നൂറ്റിയന്പതാമത്തെ ചിത്രമായി പ്രഖ്യാപിക്കപ്പെട്ട ഈ സിനിമ വലിയ വിവാദങ്ങളിലൂടെയാണ് കടന്നു പോയത്.

നടൻ പൃഥ്വിരാജ് – ഷാജി കൈലാസ് – ജിനു എബ്രഹാം ചിത്രമായ കടുവയുടെ കഥയും കഥാപാത്രങ്ങളുമായി സാമ്യമുണ്ട് എന്ന നിലയിലായിരുന്നു വിവാദം. ഇപ്പോഴിതാ സിനിമയെ കുറിച്ച് കൂടുതൽ വിവരങ്ങൾ പുറത്തു പറഞ്ഞിരിക്കുകയാണ് നിർമ്മാതാവായ ടോമിച്ചൻ .

കൂടാതെ നേരത്തെ നിർമ്മിച്ചിട്ടുള്ള പോക്കിരിരാജയും പുലിമുരുകനും പോലെ മാസ്സിനെയും ഫാമിലിയെയും പരിഗണിച്ചുള്ള സിനിമയാണ് ഒറ്റക്കൊമ്പൻ വമ്പൻ ബജറ്റിലാണ് ഈ ചിത്രം ഒരുക്കാൻ പോകുന്നത്. വമ്പൻ ചിത്രമായത് കൊണ്ട് തന്നെ കൊറോണയുടെ പ്രശ്‌നങ്ങള്‍ തീരാതെ സിനിമ ചെയ്യാനാകില്ല എന്നും ഓടിപ്പിടിച്ച് ചെയ്യാവുന്ന സിനിമയുമല്ല ഒറ്റക്കൊമ്പനെന്നും ടോമിച്ചൻ.