ഉയർന്ന താരമൂല്യവും വരുമാനവും; തെന്നിന്ത്യൻ താരങ്ങളിൽ ഈ നടൻ ഒന്നാമത്; പട്ടിക പുറത്തു വിട്ട് ഫോബ്‌സ് മാഗസിൻ

കഴിഞ്ഞ വർഷത്തെ (2019) കായിക, വിനോദ മേഖലകളില്‍ നിന്നുള്ള ഉയർന്ന താരമൂല്യവും വരുമാനവുമുളള 100 ഇന്ത്യന്‍ പ്രമുഖരുടെ പട്ടിക പുറത്തു വിട്ട് ഫോബ്‌സ് മാഗസിൻ. ദക്ഷിണേന്ത്യയില്‍ ഏറ്റവുമധികം വരുമാനം നേടുന്ന നടന്മാരുടെ പട്ടികയിൽ രജനികാന്തും മോഹന്‍ലാലുമാണ് ഒന്നും രണ്ടും സ്ഥാനത്ത്. നൂറ് കോടി രൂപയാണ് രജനികാന്തിന്റെ കഴിഞ്ഞ വര്‍ഷത്തെ വരുമാനം.

കൂടാതെ മലയാളത്തില്‍നിന്ന് രണ്ടു പേരാണ് 100 പേരുടെ പട്ടികയില്‍ ഇടം പിടിച്ചിരിക്കുന്നത്. പട്ടികയില്‍ 27ാം സ്ഥാനത്താണ് മോഹന്‍ലാല്‍. മമ്മൂട്ടി പട്ടികയില്‍ 62ാം സ്ഥാനത്താണ്. 64.5 കോടി രൂപയാണ് മോഹന്‍ലാലിന്റെ വരുമാനം. മമ്മൂട്ടിയുടേത് 33.5 കോടിയും.

എന്നാൽ ദക്ഷിണേന്ത്യന്‍ താരങ്ങളില്‍ അജിത് കുമാറാണ് മൂന്നാം സ്ഥാനത്ത് 40.5 കോടിയാണ് താരത്തിന്റെ വരുമാനം. എ ആർ റഹമാൻ, ധനുഷ്, വിജയ്, കമൽഹാസൻ, പ്രഭാസ്, സംവിധായകൻ ഷങ്കർ, മഹേഷ് ബാബു, സൈന നെഹ്‌വാൾ, പി വി സിന്ധു എന്നിവരാണ് ദക്ഷിണേന്ത്യയിൽ നിന്ന് പട്ടികയിൽ ഇടം പിടിച്ച മറ്റുള്ളവർ.