സത്യനേക്കാളും പ്രേം നസീറിനെക്കാളും മമ്മൂട്ടി ഇഷ്ടപ്പെട്ടിരുന്ന മലയാളത്തിന്‍റെ നടന്‍

മലയാള സിനിമയിലെ മെഗാസ്റ്റാർ മമ്മൂട്ടി താൻ തന്റെ കൗമാരകാലത്ത് ആരാധിച്ചിരുന്ന താരത്തെക്കുറിച്ച് തുറന്നു സംസാരിക്കുകയാണ്. സിനിമ ഹരമായിരുന്ന കൗമാരകാലത്ത് പ്രേംനസീറിനേക്കാളും, സത്യനേക്കാളും തനിക്ക് ആരാധന തോന്നിയത് മധുവിനോടാണെന്നും. ഞാൻ സിനിമയിൽ ഒന്നുമല്ലാതിരുന്ന കാലത്ത് ഒരു ആരാധകന്റെ മനസ്സോടെ അദ്ദേഹത്തെ നേരിൽ കണ്ടിട്ടുണ്ടെന്നും മമ്മൂട്ടി പറയുന്നു. അദ്ദേഹം തന്നെ ഇഷ്ടപ്പെടുന്ന ഇരട്ടിയിലേറെ താൻ അദ്ദേഹത്തെ ഇഷ്ടപ്പെടുന്നുവെന്നും അത് ഏറ്റവും നന്നായി അറിയാവുന്നത് മധുവിന് തന്നെയാണെന്നും മമ്മൂട്ടി പറയുന്നു

‘ഞാൻ മധു സാറുമായി നിരവധി സിനിമകളിൽ അഭിനയിച്ചിട്ടുണ്ട്. എന്റെ കൗമാര കാലത്ത് ഞാൻ പ്രേം നസീറിനേക്കാളും സത്യനേക്കാളും ഇഷ്ടപ്പെട്ടിരുന്നത് മധു സാറിനെയാണ്. ഞാൻ അദ്ദേഹത്തിന്റെ വലിയ ആരാധകനായിരുന്നു. ഒന്നിച്ച് അഭിനയിക്കുന്നതിന് മുൻപേ ഞാൻ അദ്ദേഹത്തിന്റെ ആരാധകനായിരിക്കുമ്പോൾ തന്നെ നേരിൽ കണ്ടിട്ടുണ്ട്. അത് എന്റെ ഏറ്റവും വലിയ ഭാഗ്യമായി കാണുന്നു. അദ്ദേഹം എന്നെ ഇഷ്ടപ്പെടുന്നതിനേക്കാൾ എത്രയോ ഇരട്ടിയിലേറേ ഞാൻ അദ്ദേഹത്തെ ഇഷ്ടപ്പെടുന്നു. അത് ഏറ്റവും നന്നായി അറിയാവുന്നത് മധു സാറിന് തന്നെയാണ്. മധു സാർ എപ്പോഴും അത് പറയാറുണ്ട്’.