മിനിസ്‌ക്രീന്‍ പ്രേക്ഷകരുടെ പ്രിയതാരമാണ് ജിഷിന്‍ മോഹന്‍. താരത്തിന്റെ ഭാര്യ വരദയും സോഷ്യൽ മീഡിയയിൽ സജീവമാണ്. സീരിയല്‍ തിരക്കുകള്‍ക്കിടെയിലും വി വിശേഷങ്ങൾ പങ്കുവച്ചു ജിഷിന്‍ മോഹൻ സോഷ്യല്‍ മീഡിയയിൽ എത്താറുണ്ട്. പുതിയ സീരിയലിന്റെ ചിത്രീകരണം ആരംഭിച്ചതിന്റെ സന്തോഷം പങ്കുവെച്ചുകൊണ്ടാണ് രസകരമായ പോസ്റ്റുമായി നടന്‍ എത്തിയിരിക്കുന്നത്. ജിഷിന്‍ മോഹന്റെ വാക്കുകളിലേക്ക്:
”പുതിയ സീരിയല്‍, ഷൂട്ടിംഗ് പുരോഗമിക്കുന്നു. ഏതാണ് എന്നിപ്പോള്‍ പറയാന്‍ നിര്‍വ്വാഹമില്ല കേട്ടോ.. കാരണം പാരകള്‍ ഏതു വഴിക്ക് വരും എന്ന് പറയാന്‍ പറ്റില്ല. പണ്ട് ഇതുപോലെ എന്റെ പൊട്ടവായ്ക്ക് ഞാന്‍ ഒരു സുഹൃത്തിനോട് ജോയിന്‍ ചെയ്യാന്‍ പോകുന്ന പുതിയ വര്‍ക്കിന്റെ സന്തോഷം പങ്കുവച്ചു.
പിന്നീട് ആ കഥാപാത്രം ചെയ്തത് ആ പരനാറി ആയിരുന്നു. അതില്‍പ്പിന്നെ ഒരു വര്‍ക്കിന് ജോയിന്‍ ചെയ്തു ടെലികാസ്റ്റ് ആകുന്നത് വരെ ഞാന്‍ പെറ്റമ്മയോട് പോലും വര്‍ക്കിന് ജോയിന്‍ ചെയ്ത കാര്യം പറയാറില്ല. ഇതാണ് മക്കളേ ഇന്‍ഡസ്ട്രി. നോക്കീം കണ്ടും നിന്നില്ലെങ്കില്‍ കൂടെ നില്‍ക്കുന്നവന്‍ തന്നെ കോ.. അല്ലെങ്കില്‍ വേണ്ട. ആ വാക്ക് നിങ്ങള് ഊഹിച്ചോ.” ജിഷിന്‍ മോഹന്‍ സഹതാരത്തിനൊപ്പമുളള ചിത്രം പങ്കുവെച്ചുകൊണ്ട് കുറിച്ചു.
Post Your Comments