താര സംഘടനയുടെ തിരഞ്ഞെടുപ്പ് തീയതി പ്രഖ്യാപിച്ചു

തമിഴ് ഫിലിം പ്രൊഡ്യൂസർ കൗൺസിൽ തിരഞ്ഞെടുപ്പ് നവംബറിൽ നടക്കും. നവംബർ 22 ന് തിരഞ്ഞെടുപ്പ് നടക്കുമെന്ന് ഹൈക്കോടതി നിയമിച്ച തിരഞ്ഞെടുപ്പ് ഓഫീസർ എം ജയചന്ദ്രൻ അറിയിച്ചിട്ടുണ്ട്.

2020-22 തിരഞ്ഞെടുപ്പിനുള്ള അന്തിമ വോട്ടർ പട്ടിക നവംബർ 12 ന് പ്രഖ്യാപിക്കുമെന്ന് അറിയിച്ചിട്ടുണ്ട്. അഡയാറിലെ എം‌ജി‌ആർ ജാനകി കോളേജിൽ രാവിലെ 8 മുതൽ വൈകുന്നേരം 4 വരെയാണ് തിരഞ്ഞെടുപ്പ് നടക്കുന്നത്.

തമിഴ് ഫിലിം പ്രൊഡ്യൂസേഴ്‌സ് കൗൺസിലിന്റെ മുൻ പ്രസിഡന്റായിരുന്ന വിശാലിന്റെ നേതൃത്വത്തിലുള്ള ടീമിന്റെ കാലാവധി 2019 ഏപ്രിൽ 30 ന് അവസാനിച്ചിരുന്നു. അന്നുമുതൽ ഭരണപരമായ പ്രവർത്തനങ്ങൾ കൈകാര്യം ചെയ്യുന്നതിനായി ഒരു പ്രത്യേക ഉദ്യോഗസ്ഥനെ തമിഴ്‌നാട് വാണിജ്യ വകുപ്പ് നിയമിച്ചിരുന്നു.