അശ്ലീല വീഡിയോകളിലൂടെ സ്ത്രീകളെ അപമാനിച്ച വിജയ് പി നായരെ കൈകാര്യം ചെയ്ത നടി ഭാഗ്യലക്ഷ്മിക്ക് പിന്തുണയുമായി ഫെഫ്ക. വിജയെ താമസ സ്ഥലത്ത് എത്തിയാണ് കായികമായി നേരിട്ടത്. ഭാഗ്യലക്ഷ്മി നിരന്തരം ആക്രമിക്കപ്പെടുന്നവരുടെ ശക്തമായ പ്രതീകവും, പ്രതിരൂപവുമാണെന്നും അങ്ങേയറ്റം സുതാര്യമായ ചലച്ചിത്ര ജീവിതത്തിന്റേയും, ഉറച്ച നിലപാടുകളുടേയും ഉടമായണെന്നും ഫെഫ്ക ഫെയ്സ്ബുക്കിലൂടെ പുറത്തുവിട്ട പ്രസ്താവനയില് പറയുന്നു.
ഫെയ്സ്ബുക്ക് പോസ്റ്റിന്റെ പൂര്ണരൂപം
സൈബര് ലോകത്ത് നിരന്തരം ഇരയാക്കപ്പെടുന്നവരില് മഹാഭൂരിപക്ഷവും സ്ത്രീകളാണ്. അതില് ചലച്ചിത്രരംഗത്ത് പ്രവര്ത്തിക്കുന്ന സ്ത്രീകള്, ആണധികാരത്തിന്റേയും കപടസദാചാരവാദികളുടേയും സ്ഥിരം ഇരകളാണ്. ഭാഗ്യലക്ഷ്മി ഇങ്ങനെ നിരന്തരം ആക്രമിക്കപ്പെടുന്നവരുടെ ശക്തമായ പ്രതീകവും, പ്രതിരൂപവുമാണ്. അങ്ങേയറ്റം സുതാര്യമായ ചലച്ചിത്ര ജീവിതത്തിന്റേയും, ഉറച്ച നിലപാടുകളുടേയും ഉടമ. ഇന്നലെ അവര് നടത്തിയ പ്രതികരണം നിഷ്ക്രിയമായ നിയമവ്യസ്ഥയുടെ കരണത്തേറ്റ അടിയാണ്. തീര്ച്ഛയായും നിയമം കൈലെടുക്കുന്ന vandalism എതിര്ക്കപ്പെടേണ്ടതാണ്.
എന്നാല്, സൈബര് സ്വാതന്ത്ര്യത്തിന്റെ തുറസ്സുകളില്, നിരന്തരം വാക്കുകളാലും, നോട്ടങ്ങളാലും ബലാത്സംഗം ചെയ്യപ്പെടുന്ന സ്ത്രീയുടെ പുകഞ്ഞു പൊട്ടലായി മാത്രമെ നമുക്ക് ഇതിനെ കാണാന് കഴിയൂ. ഭാഗ്യലക്ഷ്മിയോട് ഐക്യദാര്ഢ്യം. അവരെ അപമാനപ്പെടുത്തിയ ആള്ക്കും അവര്ക്കും എതിരെ ഒരുപോലെ ജാമ്യമില്ലാ വകുപ്പുകള് ചുമത്തിക്കൊണ്ട്, അയാളുടേയും അവരുടേയും പ്രവര്ത്തികള് ഒരേതട്ടിലാണെന്ന പൊലീസിന്റെ സമീപനത്തില് ശക്തമായി പ്രതിഷേധിക്കുന്നു. ഈ വിഷയം ബന്ധപ്പെട്ട അധികാരകേന്ദ്രങ്ങളുടെ ശ്രദ്ധയില് കൊണ്ടുവരും.
Post Your Comments