തെന്നിന്ത്യന്‍ സിനിമാപ്രേമികളുടെ പ്രിയനായികയാണ് ഭാവന. വിവാഹത്തിനു പിന്നാലെ മലയാള സിനിമയില്‍ നിന്നും ഇടവേള എടുത്ത ഭാവന സോഷ്യല്‍ മീഡിയയില്‍ സജീവമാണ്. നടിയുടെ ഏറ്റവും പുതിയ ഇന്‍സ്റ്റഗ്രാം പോസ്റ്റാണ് ഇപ്പോള്‍ ചര്‍ച്ചാവിഷയമായിരിക്കുന്നത്. “മറ്റൊരാള്‍ക്ക് നിങ്ങള്‍ ഉണ്ടാക്കിയ നഷ്ടം, അതേ കാര്യം നിങ്ങളോട് ചെയ്യുന്നത് വരെ ഒരിക്കലും മനസിലാകില്ല. അതിനാണ് ഞാനിവിടെ ഉള്ളത് – കര്‍മ” എന്ന താരത്തിന്റെ കുറിപ്പ് ശ്രദ്ധനേടുന്നു.
ഭാവനയുടെ അടുത്ത സുഹൃത്തുക്കളായ ഗായിക സയനോരയും നടിമാരായ മൃദുല മുരളിയും ഷഫ്നയും അടക്കമുള്ളവര്‍ പോസ്റ്റിന് പിന്തുണ രേഖപ്പെടുത്തിയിട്ടുണ്ട്.
ഭര്‍ത്താവ് നവീനൊപ്പം ബംഗളൂരുവില്‍ കഴിയുന്ന ഭാവന കന്നഡ ചിത്രങ്ങളില്‍ സജീവമാണ്. ഇന്‍സ്പെക്ടര്‍ വിക്രം, ബജ്രംഗി 2, ഗോവിന്ദ ഗോവിന്ദ, ശ്രീകൃഷ്ണ അറ്റ് ജിമെയില്‍ ഡോട് കോം എന്നിങ്ങനെ ഒരുപിടി ചിത്രങ്ങളുടെ തിരക്കിലാണ് ഭാവന.
Post Your Comments