കമൽഹാസനെ നായകനാക്കി ലോകേഷ് കനകരാജിന്റെ പുത്തൻ ചിത്രം എത്തുന്നു, മാസ്റ്ററിന് പിന്നാലെ പുതിയ സിനിമയുമായി സംവിധായകന്‍ ലോകേഷ് കനകരാജ്. സൂപ്പർ താരം കമല്‍ഹാസനെ നായകനാക്കി ഒരുക്കുന്ന ചിത്രത്തിന്റെ പോസ്റ്ററാണ് പുറത്തുവിട്ടിരിക്കുന്നത്. കമല്‍ഹാസന്‍ നായകനാകുന്ന 232ാം ചിത്രമെന്ന പ്രത്യേകതയും ലോകേഷിന്റെ അഞ്ചാം ചിത്രമെന്ന പ്രത്യേകതയുമാണ് ഈ സിനിമക്കുള്ളത്.
അതിമനോഹരമായി, തോക്കുകള്‍ കൊണ്ടുള്ള കമല്‍ഹാസന്റെ ചിത്രവും ‘ഒരിക്കല്‍ അവിടയൊരു പ്രേതമുണ്ടായിരുന്നു’ എന്ന വാക്കുകളുമാണ് പോസ്റ്ററിലുള്ളത്. അനിരുദ്ധ് രവിചന്ദറാണ് സംഗീതമൊരുക്കുന്നത്. ചിത്രത്തിന്റെ പേരോ മറ്റ് വിവരങ്ങളോ പോസ്റ്ററിലില്ല. ഇതൊരു ഗ്യാംഗ്സ്റ്റര്‍ ചിത്രമാകും എന്നാണ് സൂചനകൾ.
Post Your Comments