എന്നെ കല്യാണമാലോചിച്ച് വന്നവരും പ്രേമിച്ചവരും ഇതുവരെ കല്യാണം കഴിച്ചിട്ടില്ല; തുറന്നു പറഞ്ഞ് നടി സുചിത്ര

വാനമ്പാടി എന്ന ഹിറ്റ് പരമ്പരയിലെ പത്മിനിയായെത്തി ആരാധക പ്രീതി നേടിയ താരമാണ് സുചിത്ര. തന്റെ വിവാഹത്തെക്കുറിച്ച് വനിതയ്ക്ക് നല്‍കിയ അഭിമുഖത്തില്‍ പറഞ്ഞ വാക്കുകള്‍ ശ്രദ്ധനേടുന്നു.

”വിവാഹത്തെക്കുറിച്ച് തൽക്കാലം ഒന്നും ഉറപ്പിച്ച് പറയാൻ പറ്റില്ല. ആലോചനകൾ വരുന്നുണ്ട്. പലപ്പോഴായി ചില പ്രണയങ്ങളൊക്കെ സംഭവിച്ചിട്ടുണ്ട്. ഒന്നു രണ്ടെണ്ണം ഗൗരവത്തിലായിരുന്നു. പക്ഷേ, വിജയിച്ചില്ല. എന്റെ അമ്മ എപ്പോഴും പറയും ‘നീ ഒള്ള ശാപം മൊത്തം വാങ്ങി വയ്ക്കും. എന്താണാവോ…’ എന്ന്… മറ്റൊരു തമാശ പറയട്ടേ, എന്നെ കല്യാണമാലോചിച്ച് വന്നവരാരും ഇതുവരെ കല്യാണം കഴിച്ചിട്ടില്ല. എന്നെ പ്രേമിച്ചവരും കല്യാണം കഴിച്ചിട്ടില്ല…ഒന്നോ രണ്ടോ പേരാണ് അതിന് അപവാദം… ചിരിയോടെ സുചിത്ര പറഞ്ഞു നിർത്തി…” സുചിത്ര പറയുന്നു