ഹോളിവുഡ് നടി ഒലേന ടൈറൽ അന്തരിച്ചു, സൂപ്പർ ഹിറ്റായി ഗെയിം ഓഫ് ത്രോണ്‍സ്’ ടിവി പരമ്പരയിലെ ഒലേന ടൈറല്‍ എന്ന കഥാപാത്രത്തിലൂടെ ആസ്വാദക ഹൃദയം കീഴടക്കിയ താരമാണ് ഡയാന. കാന്‍സര്‍ രോഗബാധയെ തുടര്‍ന്ന് കഴിഞ്ഞ ദിവസമാണ് ബ്രിട്ടീഷ് ചലച്ചിത്രതാരമായ ഡയാന റിഗ് അന്തരിച്ചത്.
പ്രശസ്ത നടി ഡയാനയുടെ, മകളായ റേച്ചല്‍ സ്റ്റിര്‍ലിംഗ് ആണ് മരണ വിവരം സമൂഹമാധ്യമങ്ങള്‍ വഴി പുറംലോകവുമായി പങ്കുവച്ചത്. നാടകരംഗത്തും മികവു തെളിയിച്ച ഡയാന, 1960 കളില്‍ ‘ദി അവഞ്ചേഴ്സ്’ ടിവി പരമ്പരയിലെ രഹസ്യ ഏജന്റായ ‘എമ്മ പീല്‍’ എന്ന കഥാപാത്രത്തിലൂടെയാണ് ലോകശ്രദ്ധ നേടുന്നത്. ഏറ്റവും ശ്രദ്ധിക്കപ്പെട്ട വേഷമായിരുന്നു ഇതിലൂടെ അവർക്ക് ലഭിച്ചത്.
കൂടാതെ 1959ല്‍ റോയല്‍ ഷേക്സ്പിയര്‍ കമ്പനിയിലൂടെ അരങ്ങിലെത്തിയ നടിയുടെ കിങ് ലിയറിലെ കോര്‍ഡീലിയയുടെ വേഷം കയ്യടി നേടി. ഇതിന് പിന്നാലെ ജെയിംസ് ബോണ്ട് കഥ പറയുന്ന ‘ഓണ്‍ ഹര്‍ മെജസ്റ്റി സീക്രട്ട് സര്‍വീസ്’ എന്ന ചിത്രത്തില്‍ ബോണ്ട് ഗേള്‍ ട്രേസി ഡി വിസെന്‍സോ ആയി വേഷമിട്ടു.
Post Your Comments