മലയാളികള്‍ക്കും ഏറെ പ്രിയങ്കരിയായ താരമാണ് ബോളിവുഡ് നടി സണ്ണി ലിയോണി. കോവിഡ് വ്യാപനത്തിന്റെ ഘട്ടത്തിലാണ് ഭര്‍ത്താവ് ഡാനിയല്‍ വെബറിനും മക്കള്‍ക്കുമൊപ്പം ലോസ് ആഞ്ചല്‍സിലേക്ക് താരം പോയത്. ഇപ്പോഴിതാ കുടുംബത്തിലേക്ക് പുതിയൊരു അതിഥി എത്തിയ സന്തോഷം പങ്കുവച്ചിരിക്കുകയാണ് സണ്ണി. ഇറ്റാലിയന്‍ കാര്‍ നിര്‍മാതാക്കളായ മസെറാട്ടിയുടെ ഒരു ആഡംബര കാര്‍ സ്വന്തമാക്കിയിരിക്കുകയാണ് താരം. ബുധനാഴ്ചയാണ് പുതിയ കാറിന്റെ വിശേഷങ്ങള്‍ താരം പങ്കുവെച്ചത്.
”ഡാനിയലിനൊപ്പം പുതിയ മസേറാട്ടിയെ കൊണ്ടുവരാന്‍ നില്‍ക്കുന്നതിനേക്കാള്‍ വലിയ സന്തോഷമില്ല” എന്ന അടിക്കുറിപ്പ് പങ്കുവച്ച താരം ” ഇന്നലെ ഈ രാക്ഷസനെ വീട്ടിലേക്ക് കൊണ്ടുവന്നു. ഈ കാര്‍ ഓടിക്കുന്ന സമയത്തെല്ലാം ഞാന്‍ സന്തോഷവതിയാവുന്നു- എന്നും കുറിച്ചുകൊണ്ട് ഡാനിയലിനൊപ്പം കാറില്‍ ഇരിക്കുന്നതിന്റെ ചിത്രവും പങ്കുവച്ചു.
Post Your Comments