കോഴിക്കോട്ടുകാർക്ക് പെടക്കണ മീനുകളുടെ കലവറയുമായി നടന്‍ വിനോദ് കോവൂറിന്റെ ‘മൂസാക്കായ് സീ ഫ്രഷ്’ ആരംഭിച്ചു. കോഴിക്കോട് ബൈപാസ് റോഡിൽ ഹൈലൈറ് മാളിന് എതിർവശം പാലാഴി റോഡിലെ ഈ കട പാണക്കാട് സയ്യിദ് മുനവ്വറലി ശിഹാബ് തങ്ങൾ ഉദ്ഘാടനം നിർവഹിച്ച് ആദ്യത്തെ കച്ചവടം നടത്തി.
ഫ്രഷ് ആയ മീനുകൾ മിതമായ വിലയിൽ ഓൺലൈൻ ആയും നേരിട്ടും ഉപഭോക്താക്കൾക്ക് ലഭ്യമാകുന്ന തരത്തിലാണ് തന്റെ പുതിയ സംരംഭമെന്നു വിനോദ് പറയുന്നു.
സുരഭി ലക്ഷ്മിക്കൊപ്പം ഒരു ടെലിവിഷൻ പരമ്പരയില്‍ മീൻ വിൽക്കുന്ന മൂസാക്കായ് എന്ന ഹിറ്റ് കഥാപാത്രമായി വിനോദ് കോവൂർ അഭിനയിച്ചിരുന്നു. അതേപേരാണ് തന്റെ കടയ്ക്കും വിനോദ് നൽകിയത്. തങ്ങളാൽ കഴിയുന്ന എന്ത് ജോലിയും ചെയ്യാൻ ഏതൊരാളും തയ്യാറാക്കണം എന്നൊരു സന്ദേശം നൽകുന്നത് വഴി പ്രതിസന്ധിയിലായിരിക്കുന്ന കലാകാരന്മാർക്ക് ഒരു പ്രചോദനമാകട്ടെ എന്നുകൂടി കരുതിയാണ് താൻ ഈ പുതിയ ബിസിനസിലേക്ക് തിരിഞ്ഞത് എന്ന് വിനോദ് കോവൂർ പറയുന്നു
Post Your Comments