പ്രശസ്ത വനിതാ സംവിധായികക്ക് വെടിയേറ്റു, കാറിൽ കുട്ടിയോടൊത്ത് സഞ്ചരിക്കവേയാണ് സംവിധായകക്ക് നേരെ അക്രമണം നടന്നതെന്ന് പോലീസ് പറഞ്ഞു.
അഫ്ഗാനിസ്ഥാനിലെ ആദ്യ വനിതാ സംവിധായികയും നടിയുമായ സബ സഹറിന് വെടിയേറ്റതായി റിപ്പോർട്ടുകൾ . ജോലിക്ക് പോകുമ്പോഴാണ് സബ സഹറിന് വെടിയേറ്റത്. അക്രമികൾ സഹറിന് നേരെ തുടർച്ചയായി വെടിയുതിർക്കുകയായിരുന്നുവെന്ന്ഭർത്താവ് എമൽ സാകിയ വ്യക്തമാക്കി.
സംഭവത്തിൽ രണ്ട് സുരക്ഷാ ഉദ്യോഗസ്ഥർക്കും വെടിയേറ്റിട്ടുണ്ട്. കാറിൽ ആകെ അഞ്ച് പേരാണ് ഉണ്ടായിരുന്നത് എന്ന് പോലീസ് , സബയും ഒരു കുട്ടിയും രണ്ട് സുരക്ഷാ ഉദ്യോഗസ്ഥരും ഡ്രൈവറും ആയിരുന്നു കാറിൽ .കുട്ടിക്കും ഡ്രൈവർക്കും പരിക്കേറ്റില്ലെന്ന്പോലീസ്.
അഫ്ഗാനിസ്ഥാനിലെ പ്രശസ്തയായ നടി എന്നതിനപ്പുറം സ്ത്രീകളുടെ അവകാശങ്ങൾക്കു വേണ്ടി പോരാടുന്ന പ്രവർത്തക കൂടിയാണ് സബ സഹർ. സഹറിന്റെ താമസസ്ഥലത്തിന് അടുത്ത് വച്ചാണ് വെടിവെയ്പുണ്ടായത്. വീട്ടിൽനിന്നിറങ്ങി ഏകദേശം അഞ്ച് മിനിറ്റിനുള്ളിൽ തന്നെ വെടിയൊച്ച കേട്ടതായി എമൽ പറഞ്ഞു. അപ്പോൾ തന്നെ സംഭവസ്ഥലത്തെത്തി പ്രഥമ ശുശ്രൂഷ നൽകിയ ശേഷം ആശുപത്രിയിൽ പ്രവേശിപ്പിച്ചുവെന്നും ഭർത്താവ് മൊഴി നൽകി.
Post Your Comments