കലയെ സ്നേഹിക്കുന്നവർ ലക്ഷങ്ങളും കോടികളും വാങ്ങിച്ചിട്ടാണ് അഭിനയിക്കുന്നത്, പക്ഷേ സന്തോഷ് പണ്ഡിറ്റ് പത്തു ലക്ഷം കിട്ടിയാൽ അഞ്ചു ലക്ഷം ജനങ്ങൾക്ക് നൽകുന്നുണ്ട്!! ആനിയുടെ ചോദ്യത്തിന് കിടിലൻ മറുപടി നല്‍കി സന്തോഷ് പണ്ഡിറ്റ്‌

ആരാധകര്‍ ഏറെയുള്ള ചാനല്‍ പരിപാടിയാണ് ആനിസ് കിച്ചന്‍. സമൂഹത്തിന്റെ വ്യത്യസ്ത തലങ്ങളില്‍ ഉള്ളവര്‍ അതിഥിയായി എത്തുന്ന ഈ ഷോയില്‍ സന്തോഷ് പണ്ഡിറ്റ് പങ്കെടുത്ത എപ്പിസോഡ് ഇപ്പോള്‍ സോഷ്യല്‍ മീഡിയയില്‍ ശ്രദ്ധനേടുന്നു. ‘ ഒരു ആർട്ടിസ്റ്റ് എന്ന നിലയിൽ ഞങ്ങളെ പഠിപ്പിച്ചിരിക്കുന്നത്, കലയെ ഒരിക്കലും കൊല ചെയ്യരുത്, ബിസിനെസ്സ് ആയി കാണരുത്, ആർട്ടിസ്റ്റ് എന്ന നിലയിൽ ചില രംഗങ്ങൾ അഭിനയിക്കുമ്പോൾ പൈസ വാങ്ങരുത് എന്നാണ് പക്ഷെ ഇപ്പോൾ അങ്ങയുടെ സംസാരത്തിൽ നിന്നും കലയെ കൊല ചെയ്യുകയല്ലേ ചെയ്യുന്നത്” എന്ന ആനിയുടെ ചോദ്യത്തിന് സന്തോഷ് പണ്ഡിറ്റ് നൽകിയ മറുപടി ഇപ്പോള്‍ ചര്‍ച്ചയാകുന്നു.

”നിങ്ങൾ ഈ കലയെ സ്നേഹിക്കുന്നവർ എന്ന് പറയുന്നവർ ടിക്കറ്റ് വച്ചാണ് തീയേറ്ററിൽ ജനങ്ങളെ സിനിമ കാണിക്കുന്നത്. ഒരു പത്തുലക്ഷം കിട്ടിയാൽ അത് ജനങ്ങൾക്ക് നൽകുന്നില്ല. ഈ കലയെ സ്നേഹിക്കുന്നവർ എന്ന് പറയുന്നവർ ലക്ഷങ്ങളും കോടികളും വാങ്ങിച്ചിട്ടാണ് അഭിനയിക്കുന്നത്. പക്ഷേ സന്തോഷ് പണ്ഡിറ്റ് പത്തു ലക്ഷം കിട്ടിയാൽ അഞ്ചു ലക്ഷം ജനങ്ങൾക്ക് നൽകുന്നുണ്ട്. പറയുമ്പോൾ രണ്ടുവശവും പറയണം.” സന്തോഷ്‌ പറയുന്നു