തെലുങ്ക് ,ഹിന്ദി, മലയാളം, തമിഴ് എന്നീ നാല് ഭാഷകളിലായി ഒരുങ്ങുന്ന ആദിപുരുഷിന് വൻ വരവേൽപ്പ്. ഇന്ത്യൻ ഇതിഹാസ കഥയുമായി എത്തുന്ന പ്രഭാസ് ചിത്രത്തിലെ പോസ്റ്ററിന് ഇതുവരെ വൻ വരവേൽപ്പാണ് കിട്ടിയിരിക്കുന്നത് .
സോഷ്യൽ മീഡിയയിലൂടെ പുറത്തിറക്കിയ പോസ്റ്റർ 24 മണിക്കൂറിനകം തന്നെ കണ്ടത് 13 ലക്ഷത്തോളം വരുന്ന ആൾക്കാരാണ് . ചിത്രം ത്രീഡി രൂപത്തിലാണ് ഒരുക്കുന്നത് .
ആദിപുരുഷ് എന്ന് പേരിട്ടിരിക്കുന്ന ചിത്രം തൻഹാജിയുടെ സംവിധായകനും റെട്രോഫൈൽ പ്രൊഡക്ഷൻ കമ്പനി സ്ഥാപകനുമായ റാം ഔട്ടാണ് ഒരുക്കുന്നത് . ഇതാദ്യമായി ഇരുവരും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട് .
ഇന്ത്യൻ സംസ്കാരത്തിൽ ഏറെ ജനപ്രീതി ഉള്ള ഒരു അദ്ധ്യായത്തെ ആസ്പദമാക്കി ഒരുക്കുന്ന ചിത്രം ഹിന്ദിയിലും തെലുങ്കിലും ആണ് ചിത്രീകരിക്കുക എന്ന് അണിയറ പ്രവർത്തകർ വ്യക്തമാക്കി. കൂടാതെ തമിഴ്-മലയാള ഭാഷകളിലേക്കും ചിത്രം ഡബ്ബ് ചെയ്തു 2022 ൽ പ്രദർശനത്തിനെത്തിക്കും .ശ്രീരാമനായി സൂപ്പർതാരം പ്രഭാസ് എത്തുന്നതിന്റെ ആവേശത്തിലാണ് ആരാധകർ.
Post Your Comments