ഇന്ന് ലോകത്ത് ഏറ്റവും വെറുക്കപ്പെട്ട രണ്ടാമത്തെ യൂട്യൂബ് വീഡിയോ എന്ന റെക്കോഡ് നേടി സഡക്ക് 2 ട്രെയിലർ. 11 മില്യൻ (ഒരുകോടി) ഡിസ്‍ലൈക്കുകളാണ് സഡക്ക് 2 ട്രെയിലറിന് ഇത് വരെ ലഭിച്ചത്. 2018- ലെ യൂട്യൂബിന്‍റെ തന്നെ റിവൈന്‍ഡ് വീഡിയോയാണ് ലോകത്ത് തന്നെ ഏറ്റവും കൂടുതല്‍ ഡിസ്‍ലൈക്കുകള്‍ നേടി ഒന്നാം സ്ഥാനത്തുള്ളത്.
ഇത്തരത്തിൽ 18 മില്യൻ ഡിസ്‍ലൈക്കുകളാണ് ഈ വീഡിയോക്ക് ലഭിച്ചിരിക്കുന്നത്. മഹേഷ് ഭട്ട് സംവിധാനം ചെയ്ത് മുകേഷ് ഭട്ട് നിര്‍മ്മിക്കുന്ന സിനിമയില്‍ ആലിയക്കൊപ്പം പൂജ ഭട്ട്, സഞ്ജയ് ദത്ത്, ആദിത്യ റോയ് കപൂര്‍ എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളാകുന്നത്. ഡിസ്‌നി പ്ലസ് ഹോട്സ്റ്റാര് പ്ലാറ്റ്‌ഫോമില്‍ ഓഗസ്റ്റ് 28-നാണ് സഡക് 2 റിലീസിനെത്തുന്നത്. ഹോട്സ്റ്റാര് അണ്‍ ഇന്‍സ്റ്റാള്‍ ചെയ്യണം എന്ന കാമ്പയിനും സോഷ്യല്‍ മീഡിയയില്‍ വ്യാപകമാണ്.
അന്തരിച്ച സുശാന്തിന് നീതി ലഭിക്കണം, ഹോട്സ്റ്റാര് അണ്‍ ഇന്‍സ്റ്റാള്‍ ചെയ്യുക, ആലിയ ഭട്ടിനെ ബോയ്കോട്ട് ചെയ്യുക എന്ന ഹാഷ്ടാഗുകളാണ് ട്രെന്‍ഡിംഗാവുന്നത്. സഞ്ജയ് ദത്തും പൂജാഭട്ടും പ്രധാനവേഷങ്ങളിലെത്തി വന്‍ജയം നേടിയ ബോളിവുഡ് റൊമാന്റിക് ത്രില്ലറായിരുന്നു സഡക്. 1991-ല്‍ മഹേഷ് മഹേഷ് ഭട്ടിന്റെ സംവിധാനത്തില്‍ പുറത്തിറങ്ങിയ ഈ സിനിമയുടെ രണ്ടാം ഭാഗം സഡക് 2 എന്ന പേരിലെത്തുന്നത്.
Post Your Comments