തമിഴ്നാട്ടിൽ വൻ ഹിറ്റായി തീർന്ന ചിത്രമായിരുന്നു രാം കുമാർ സംവിധാനം ചെയ്ത സൈക്കോ ത്രില്ലർ മൂവി രാക്ഷസൻ. തമിഴ് സൂപ്പർ താരം വിഷ്ണു വിശാലും മലയാളം നടി അമല പോളുമാണ് ചിത്രത്തിൽ നായികാനായകന്മാരായി എത്തിയത്. കേരളത്തിലുൾപ്പെടെ ആരാധകർ ഇരുകയ്യും നീട്ടി സ്വീകരിച്ച ചിത്രം കൂടിയായിരുന്നു ഇത്.
സോഷ്യൽ മീഡിയയിൽ വളരെയധികം പോസിറ്റീവ് റിവ്യൂ ലഭിച്ച ത്രില്ലർ ചിത്രം കൂടിയായിരുന്നു രാക്ഷസൻ ,ഓരോ സെക്കൻഡിലും പ്രേക്ഷകരെ മുൾമുനയിൽ നിർത്തുന്ന ചിത്രം മികച്ച ഒരു തീയറ്റർ അനുഭവമാണെന്ന് എല്ലാ ആരാധകരും, നിരൂപകരും ഒരുപോലെ സമ്മതിച്ചിരുന്നു .
കൂടാതെ ടോപ്പ് ഇന്ത്യൻ ഇടം നേടിയ മൂന്നാമത്തെ ചിത്രം കൂടിയായിരുന്നു രാക്ഷസൻ , നടൻ വിഷ്ണു വിശാലിന്റെ എക്കാലത്തെയും മികച്ച ചിത്രങ്ങളിൽ ഒന്ന് കൂടിയായി രാക്ഷസൻ അടയാളപ്പെടുത്തപ്പെട്ടു. ഇപ്പോൾ ഈ സൂപ്പർ ഹിറ്റ് ചിത്രത്തിന് രണ്ടാം ഭാഗം അണിയറയിൽ ഒരുങ്ങുന്നു എന്നാണ് റിപ്പോർട്ടുകൾ പുറത്തുവരുന്നത്.
രാംകുമാർ തന്നെയാണ് രാക്ഷസൻ 2 സംവിധാനം ചെയ്യുക. 2018 ഒക്ടോബറിലായിരുന്നു രാക്ഷസൻ റിലീസ് ചെയ്തത്. തെലുങ്കിലേക്കും റീമേക്ക് ചെയ്യപ്പെട്ട ചിത്രം വൻവിജയമായി .
Post Your Comments