സൂപ്പർതാരങ്ങളായ പ്രഭാസ്, ദീപിക എന്ന ജോഡികളെ കേന്ദ്രകഥാപാത്രമാക്കി നാഗ് അശ്വിൻ സംവിധാനം ചെയ്യുന്ന പുതിയ ചിത്രത്തിൽ നടി നിവേദിത തോമസ് അഭിനയിക്കുമെന്ന് റിപ്പോർട്ടുകൾ പുറത്ത് .
സിനിമയുടെ തിരക്കഥ വായിച്ചു കേട്ടു നടി ചിത്രത്തിലഭിനയിക്കാൻ താൽപര്യം പ്രകടിപ്പിച്ചു എന്നാണ് റിപ്പോർട്ടുകൾ . സയൻസ് ഫിക്ഷൻ ത്രില്ലറായി ഒരുക്കുന്ന ചിത്രമാണ് ഇത്.
രജനീകാന്ത് നായകനായി എ ആർ മുരുഗദോസ് സംവിധാനം ചെയ്ത ദർബാറിൽ ആണ് മലയാളിതാരം നിവേദ തോമസ് ഏറ്റവുമൊടുവിൽ അഭിനയിച്ചത് . നായികനിരയിലേക്ക് ആണ് താരം തിരഞ്ഞെടുക്കപ്പെട്ടത് എന്നാണ് റിപ്പോർട്ടുകൾ പുറത്തുവരുന്നത് . ദുൽഖറും കീർത്തി സുരേഷും മത്സരിച്ച് അഭിനയിച്ച മഹാ നദിക്ക് ശേഷം നാഗ് സംവിധാനം ചെയ്യുന്ന ചിത്രം കൂടിയാണിത്.
മലയാളത്തിൽ വെറുതെ അല്ല ഭാര്യ ,റോമൻസ് എന്നീ സൂപ്പർഹിറ്റ് ചിത്രങ്ങളിൽ നിവേദിത അഭിനയിച്ചിരുന്നു തെലുങ്ക് ചിത്രം വി ആണ് റിലീസ് ആകാനുള്ള നിവേദിത യുടെ മറ്റൊരു ചിത്രം.
Post Your Comments