27 വര്‍ഷങ്ങള്‍ക്കിപ്പുറം, മലയാളത്തിലെ സൂപ്പര്‍ഹിറ്റ് ചിത്രത്തിന് സീരിയല്‍ ഭാഷ്യമൊരുങ്ങുന്നു. മധു മുട്ടത്തിന്റെ തിരക്കഥയില്‍ ഫാസില്‍ അണിയിച്ചൊരുക്കിയ ‘മണിച്ചിത്രത്താഴ്’ ഇനി മിനി സ്ക്രീനിലേക്ക്.
മോഹന്‍ലാല്‍, സുരേഷ് ഗോപി, ശോഭന എന്നിവര്‍ തകര്‍ത്തഭിനയിച്ച ചിത്രത്തെ പരമ്പരയാക്കുന്നത് ഭാവചിത്ര ജയകുമാറാണ്. ചിങ്ങം ഒന്നിനായിരുന്നു പ്രഖ്യാപനം. ”കുറേക്കാലമായി ഈ പ്രൊജക്ടില്‍ പ്രവര്‍ത്തിച്ചുകൊണ്ടിരിക്കുകയാണ്. കോവിഡ് നിയന്ത്രണങ്ങളില്‍ ചിത്രീകരണം ആരംഭിക്കാന്‍ ഇനിയും കടമ്ബകള്‍ ഏറെയുണ്ട്. കൊല്‍ക്കത്ത, തഞ്ചാവൂര്‍ തുടങ്ങിയ സ്ഥലങ്ങളില്‍ ചിത്രീകരിക്കേണ്ടതുണ്ട്.” ജയകുമാര്‍ പറഞ്ഞു. ഈ ചിത്രത്തിന് ശേഷം എന്ത് എന്ന ചിന്തയിലാണ് ഈ ഉദ്യമമെന്നും അദ്ദേഹം കൂട്ടിച്ചേര്‍ത്തു.
മലയാളികളുടെ ചോരയിലലിഞ്ഞ മണിച്ചിത്രത്താഴ് സീരിയല്‍ ആവുമ്ബോള്‍ ആരൊക്കെയാവും ആ അനശ്വര കഥാപാത്രങ്ങളെ അവതരിപ്പിക്കുക എന്ന കാത്തിരിപ്പിലാണ് ആരാധകര്‍.
Post Your Comments