ബോളിവുഡ് സൂപ്പർ താരം അക്ഷയ് കുമാറിന് നന്ദി പറഞ്ഞ് ആസാം മുഖ്യമന്ത്രി സര്‍ബനാന്‍ഡ സോനോവാള്‍. ആസാം വെള്ളപ്പൊക്ക ദുരിത ബാധിതര്‍ക്കായി 1 കോടി രൂപ നല്‍കിയതിനെയാണ് അഭിനന്ദിച്ചുകൊണ്ട് മുഖ്യമന്ത്രി തന്നെ നേരിട്ട് വന്നിരിക്കുന്നത്.
ദുരിതം അനുഭവിക്കുന്ന ആസാം ജനങ്ങള്‍ക്കായി ഈ ദുരിതകാലത്ത് ഒരു കോടി രൂപയുടെ സഹായഹസ്തം നീട്ടിയ അക്ഷയ് കുമാറിന് നന്ദി. ആസാമിന്റെ യഥാര്‍ഥസുഹൃത്തായ താങ്കള്‍ക്ക് ഇനിയും വിജയങ്ങള്‍ ഉണ്ടാവട്ടെ എന്നാശംസിക്കുന്നു. മുഖ്യമന്ത്രിയുടെ ട്വീറ്റ് ഇങ്ങനെ. കഴിഞ്ഞ 2 മാസമായി ആസാമില്‍ വെള്ളപ്പൊക്കം ദുരിതമായി തുടരുന്നുണ്ട്. ദെമാജി, ലാകിംപൂര്‍, ബക്സ എന്നീ ജില്ലകളിലായി 12000 പേര്‍ക്ക് എങ്കിലും ഇത് വലിയതായി ബാധിച്ചിട്ടുണ്ട്.
എന്നാൽ ഇതിനിടെ 2020 ലെ ഏറ്റവും കൂടുതല്‍ വരുമാനമുണ്ടാക്കിയ താരങ്ങളുടെ ഫോര്‍ബ്സ് ലിസ്റ്റിലും ഇന്ത്യയില്‍ നിന്ന് ഇടം പിടിച്ച ഏകതാരമായും അക്ഷയ്കുമാര്‍ ഇടം നേടി. ലിസ്റ്റില്‍ ആറാമതാണ് അക്ഷയ്കുമാര്‍. കഴിഞ്ഞ തവണ നാലാമതായിരുന്നു അദ്ദേഹം.
ബച്ചന്‍ പാണ്ഡെ, ബെല്‍ബോട്ടം, ലക്ഷ്മി ബോംബ്, സൂര്യവംശി, പ്രിഥ്വിരാജ്, അത്രംഗി രെ, രക്ഷാ ബന്ധന്‍ എന്നീ ചിത്രങ്ങളാണ് അക്ഷയ് കുമാറിന്റേതായി ഇനി വരാനിരിക്കുന്നത്.
Post Your Comments