അദ്ദേഹം തിരിച്ചുവരും; പ്രിയപ്പെട്ട എസ്പിബിയുടെ തിരിച്ചുവരവിനായി പ്രാർഥനയോടെ കെഎസ് ചിത്ര

പ്രശസ്ത ഗായകന്‍ എസ്പി ബാലസുബ്രഹ്മണ്യം കോവിഡ് ബാധിച്ച്‌ ഗുരുതരാവസ്ഥയില്‍ ആണെന്ന് മെഡിക്കല്‍ ബുള്ളറ്റിനിലൂടെ അറിയിച്ചിരുന്നു. എസ്പിബിയുടെ തിരിച്ചുവരവിന് വേണ്ടി പ്രാര്‍ത്ഥിക്കുകയാണ് ഗായിക കെ എസ് ചിത്ര. ഈ സാഹചര്യങ്ങളെ അതിജീവിച്ച്‌ അദ്ദേഹം തീര്‍ച്ചയായും തിരികെ വരുമെന്ന് ചിത്ര സോഷ്യല്‍ മീഡിയകളില്‍ കുറിച്ചു.

‘എസ്പിബി സര്‍ വളരെ ഊര്‍ജസ്വലനും പോസിറ്റീവുമായ വ്യക്തിയാണ്. ഇപ്പോഴത്തെ ഈ സാഹചര്യങ്ങളെ തരണം ചെയ്ത് അദ്ദേഹം തിരിച്ചുവരുമെന്ന് എനിക്കുറപ്പാണ്. സര്‍ എത്രയും വേഗം സുഖം പ്രാപിക്കട്ടെയെന്ന് പ്രാര്‍ഥിക്കുന്നു’- ചിത്ര കുറിച്ചു.