തന്റെ കുഞ്ഞുമകൾ മകള്‍ സമീഷയ്ക്ക് ആറുമാസം തികഞ്ഞതിന്റെ സന്തോഷം പങ്കുവച്ച് ബോളിവുഡ് താരം ശില്‍പ്പ ഷെട്ടി. കുഞ്ഞു മകളുടെ ക്യൂട്ട് വീഡിയോയാണ് ശില്‍പ്പ പങ്കുവച്ചിരിക്കുന്നത്. ആദ്യമായാണ് മകളുടെ വീഡിയോ ശില്‍പ്പ പങ്കുവച്ചിരിക്കുന്നത്. മകളുടെ മുഖമോ മറ്റ് ചിത്രങ്ങളോ താരം ഇതുവരെ പുറത്തുവിട്ടിട്ടില്ല.
ഇനി ”നിങ്ങള്‍ കണ്ണു ചിമ്മി തുറക്കുന്ന വേഗത്തില്‍ അവര്‍ വലുതാകും. ഞങ്ങളുടെ കൊച്ചു മാലാഖ സമിഷയ്ക്ക് ഇന്ന് ആറ് മാസം പ്രായമാവുകയാണ്. അവള്‍ മറിയാന്‍ തുടങ്ങി…’സ്വതന്ത്ര’ എന്നതിന്റെ ലക്ഷണങ്ങള്‍ അവള്‍ ഇനി എഴുന്നേറ്റ് ഇഴഞ്ഞു തുടങ്ങും…തുടര്‍ന്ന് എന്റെ വര്‍ക്കൗട്ടുകള്‍ അവള്‍ക്ക് പിന്നാലെ ഓടുന്നതാകും എന്ന് താരം കുറിച്ചു.
2009ലാണ് ശില്‍പ്പയും രാജ് കുന്ദ്രയും വിവാഹിതരാകുന്നത്. വിയാന്‍ എന്ന മകനും ഇവര്‍ക്കുണ്ട്. വാടക ഗര്‍ഭപാത്രത്തിലൂടെയാണ് ഇവര്‍ക്ക് സമീഷ ജനിച്ചത്. തുടര്‍ന്ന് ശില്‍പ്പക്കെതിരെ വിമര്‍ശനങ്ങളും വന്നിരുന്നു. എന്നാല്‍ തുടര്‍ച്ചയായി ഗര്‍ഭം അലസിയതിനാലാണ് വാടക ഗര്‍ഭപാത്രത്തിലൂടെ മകളെ സ്വന്തമാക്കിയത് എന്ന് ശില്‍പ്പ വ്യക്തമാക്കിയിരുന്നു.
Post Your Comments