വാര്‍ത്തകളില്‍ എന്നും നിറഞ്ഞു നില്‍ക്കുന്ന താര കുടുംബമാണ് നടന്‍ ദിലീപിന്റെത്. കാവ്യയുമായുള്ള വിവാഹത്തിന് മുൻപ് തന്നെ ദിലീപ് കാവ്യ വിവാഹം പല തവണ സൈബർ ലോകം ആഘോഷിച്ചിരുന്നു. മകൾ ജനിക്കുന്നതിനുംമുന്‍പേ കാവ്യ ഗർഭിണിയാണെന്ന് ഉറപ്പിച്ച മട്ടിലായിരുന്നു വ്യാജ വാര്‍ത്തകളുടെ പ്രചാരണം
ലോക്ക്ഡൗൺ സമയത്തു പല മുൻനിര താരങ്ങളും സോഷ്യൽ മീഡിയയിൽ സജീവമായെങ്കിലും ദിലീപും കാവ്യ സജീവമല്ല. സംവിധായകൻ സച്ചിയുടെ മരണത്തിനു പിന്നാലെ പൊതുദർശനം നടന്ന സ്ഥലത്തു മാത്രമാണ് ഈ അടുത്ത കാലത്തായി ദിലീപ് പ്രത്യക്ഷപ്പെട്ടത്. കാവ്യ പൊതുവിടങ്ങളിൽ അധികം കാണാനുമില്ല. എന്നാല്‍ ഇവര്‍ പോലും അറിയാത്ത ഇവരുടെ കുടുംബ വിശേഷങ്ങള്‍ സോഷ്യല്‍ മീഡിയയില്‍ നിറഞ്ഞു നില്‍ക്കുകയാണ്.
ബോളിവുഡ് നടി കരീന കപൂർ രണ്ടാമതും ഗർഭിണിയായെന്ന വാർത്തക്ക് പിന്നാലെയാണ് കാവ്യമാധവന്‍ ഗർഭിണിയെന്ന തരത്തിൽ യൂട്യൂബ് ചാനലുകളില്‍ വാര്‍ത്തകള്‍ വന്നു തുടങ്ങി. കാവ്യ പൊരിഞ്ഞ അടുക്കളപ്പണിയിലാണെന്നും പറഞ്ഞ് ഒരു വീഡിയോയിൽ സോഷ്യല്‍ മീഡിയയില്‍ സജീവമായിരുന്നു. അതില്‍ അടുക്കളയിൽ ഭക്ഷണമുണ്ടാക്കുന്ന കാവ്യയെ കാണാം. പക്ഷെ വളരെപഴയ വീഡിയോ ആയിരുന്നു അത്. കൂടാതെ മീനാക്ഷി വീട്ടിൽ വന്നു, മഹാലക്ഷ്മിക്കൊപ്പമാണ്, വീട്ടിൽ പണിക്കാരൊന്നുമില്ലാതെ കാവ്യ എല്ലാ ജോലിയും തനിയെ ചെയ്യുന്നു എന്നിങ്ങനെയുള്ള യാതൊരു സ്ഥിരീകരണവും ഇല്ലാത്ത വാര്‍ത്തകളും സൈബര്‍ ഇടങ്ങളില്‍ പ്രചരിക്കുകയാണ്.
‘ജാക്ക് ആൻഡ് ഡാനിയേൽ’ ആണ് ദിലീപിന്റെ റിലീസ് ആയ അവസാന ചിത്രം. ‘കേശു ഈ വീടിന്റെ നാഥൻ’ എന്ന സിനിമയുടെ തിരക്കിലായിരുന്നു ദിലീപ്.
Post Your Comments