ബോളിവുഡില്‍ ഒരുങ്ങുന്ന ബിഗ്‌ ബജറ്റ് സിനിമകളും ഡിജിറ്റല്‍ പ്ലാറ്റ്ഫോമിലേക്ക് സ്ഥാനം പിടിക്കുന്നു. പത്തൊന്‍പത്ത് വര്‍ഷം മുന്‍പ് പുറത്തിറങ്ങിയ സഞ്ജയ് ദത്ത് ചിത്രം സഡക്കിന്റെ രണ്ടാം ഭാഗം ഡിജിറ്റല്‍ പ്ലാറ്റ്ഫോമില്‍ റിലീസിന് തയ്യാറെടുക്കുന്നു. ആരാധകര്‍ കാത്തിരിക്കുന്ന ചിത്രം ഓഗസ്റ്റ് 28-ന് റിലീസിന് എത്തും. കോവിഡ് പശ്ചാത്തലത്തിൽ തിയേറ്റർ റിലീസിംഗ് സാധ്യമാകാത്തത് കൊണ്ടാണ് ഡിജിറ്റൽ പ്ലാറ്റ്‌ഫോമിൽ റിലീസ് ചെയ്യാൻ അണിയറ പ്രവര്‍ത്തകര്‍ തീരുമാനിച്ചത്. ‘സഡക് -2’ വിന്‍റെ ടൈറ്റില്‍ പോസ്റ്റര്‍ നേരത്തെ തന്നെ ആരാധകര്‍ക്കിടയില്‍ സ്ഥാനം പിടിച്ചിരുന്നു.
സഞ്ജയ് ദത്ത്, പൂജാ ഭട്ട്, ആലിയാ ഭട്ട്, , പ്രിയങ്കാ ബോസ്, മകരന്ദ് ദേശ് പാണ്ഡെ, ആദിത്യ റോയ് കപൂർ, മോഹൻ കപൂർ, അക്ഷയ് ആനന്ദ് എന്നിവരാണ് ‘ സഡക് 2 ‘ വിലെ താരങ്ങള്‍.1991-ലെ ആ വര്‍ഷത്തെ വലിയ വിജയ സിനിമകളില്‍ ഒന്നായിരുന്നു സഡക്. സഞ്ജയ് ദത്തും പൂജ ഭട്ടും ജോഡികളായി അഭിനയിച്ച ചിത്രം ബോളിവുഡ് സിനിമാ മേഖലയെ തന്നെ വാണിജ്യപരമായി അപ് ലിഫ്റ്റ്‌ ചെയ്ത ചിത്രമായിരുന്നു. ‘സഡക്-2’ എന്ന ചിത്രത്തിനെയും പ്രേക്ഷകര്‍ പ്രതീക്ഷയോടെയാണ് കാത്തിരിക്കുന്നത്. വര്‍ഷങ്ങള്‍ക്ക് ശേഷം ചിത്രത്തിന്‍റെ രണ്ടാം ഭാഗം വരുമ്പോള്‍ തിയേറ്റര്‍ എക്സ്‌പീരിയന്‍സ് നഷ്ടമാകുമെന്ന ചിന്ത മാത്രമാണ് അവരെ വിഷമത്തിലാക്കുന്നത്.
Post Your Comments