മലയാളത്തില്‍ ഒരു കാലത്ത് നിന്ന് തിരിയാന്‍ പോലും സമയമില്ലാതെ സിനിമകള്‍ ചെയ്തിരുന്ന നായിക നടിയാണ് ശോഭന, ബോളിവുഡില്‍ നിന്ന് ഓഫര്‍ വരുമ്പോഴും അമ്മയുടെ സമ്മതം ലഭിക്കാതെ മലയാളത്തില്‍ ശ്രദ്ധ കേന്ദ്രീകരിച്ച ശോഭന ഒറ്റ വര്‍ഷം കൊണ്ട് ചെയ്തു തീര്‍ത്തത് ഇരുപത്തിമൂന്ന് മലയാള സിനിമകള്‍ ആണെന്ന് തുറന്നു പറയുകയാണ്. ഒരു നായിക നടിയെ സംബന്ധിച്ച് ഒറ്റ വര്‍ഷം ഇരുപത്തിമൂന്ന് ചിത്രങ്ങള്‍ വളരെ വലിയ കണക്കാണ്, എന്നാല്‍ പൈസയോടുള്ള ആര്‍ത്തി കൊണ്ടാണ് താന്‍ അത്രയും സിനിമകള്‍ സ്വീകരിച്ചതെന്നും അതിന്റെ കാരണവും ശോഭന വിശദീകരിക്കുന്നു. ഒരു നടിയെ സംബന്ധിച്ച് തന്റെ ഏറ്റവും വലിയ പോരായ്മ ഡയലോഗ് മെമ്മറി ചെയ്യുക എന്നതായിരുന്നുവെന്നും ശോഭന തുറന്നു പറയുന്നു.
“ബോളിവുഡില്‍ ഓഫര്‍ വരുമ്പോഴും എനിക്ക് തുടരെ തുടരെ മലയാള സിനിമകള്‍ വരുന്നുണ്ടായിരുന്നു. എനിക്ക് രാജ്കപൂറിന്റെ സിനിമ വന്നിരുന്നു. അമ്മ ബോളിവുഡില്‍ പോകാന്‍ സമ്മതിച്ചില്ല. എനിക്ക് മലയാളത്തില്‍ സിനിമകള്‍ ഒഴിഞ്ഞ നേരമില്ലാതിരുന്നത് കൊണ്ട് ബോളിവുഡില്‍ അഭിനയിക്കണമെന്ന് തോന്നിയിട്ടില്ല. ഞാന്‍ ഒരു വര്‍ഷം ഇരുപത്തിമൂന്ന് സിനിമകള്‍ ചെയ്തത് എനിക്കൊരു ഡബ്ബിംഗ് സ്റ്റുഡിയോട് തുടങ്ങണം എന്ന ആഗ്രഹത്താലാണ് അതിനാല്‍ എനിക്ക് പണം ആവശ്യമായിരുന്നു. അത് കൊണ്ട് സിനിമകളും അനിവാര്യമായിരുന്നു”. ശോഭന പറയുന്നു.
Post Your Comments