വൻ വിജയതരംഗം തീര്‍ത്ത കന്നഡ ചിത്രം കെ.ജി.എഫിന്റെ രണ്ടാം ഭാഗമായ കെ.ജി.എഫ് ചാപ്റ്റര്‍ 2ലെ ക്യാരക്ടര്‍ പോസ്റ്റര്‍ പുറത്തുവിട്ട് സഞ്ജയ് ദത്ത്. ചിത്രത്തില്‍ വില്ലനായിട്ടാണ്(അധീര) സഞ്ജയ് ദത്ത് എത്തുന്നത്. നടന്റെ അറുപതാം ജന്മദിനമാണ് ഇന്ന്.പിറന്നാള്‍ ദിനത്തില്‍, താരത്തിന്റെ ഫേസ്ബുക്ക് പേജിലൂടെയാണ് കാരക്ടര്‍ പോസ്റ്റര്‍ വിട്ടിരിക്കുന്നത്.
സംവിധായകൻ പ്രകാശ് നീല്‍ സംവിധാനം ചെയ്ത് കന്നഡ സൂപ്പര്‍ താരം യഷ് അഭിനയിച്ച കെ.ജി. എഫ് സൂപ്പര്‍ഹിറ്റായിരുന്നു. 2018ലായിരുന്നു സിനിമ തീയേറ്ററുകളിലെത്തിയത്. മലയാളം, തമിഴ് ഉള്‍പ്പെടെ ആറുഭാഷകളില്‍ റിലീസ് ചെയ്ത ചിത്രം ഒരാഴ്ചയ്ക്കുള്ളില്‍തന്നെ 100 കോടി ക്ലബില്‍ ഇടം നേടിയിരുന്നു. ശ്രീനിധി ഷെട്ടിയായിരുന്നു നായിക. ‘കോലാര്‍ ഗോള്‍ഡ് ഫീല്‍ഡ്സ്’ എന്നതിന്റെ ചുരുക്കെഴുത്താണ് ‘കെജിഎഫ്’. കര്‍ണാടകത്തിലെ കോലാര്‍ സ്വര്‍ണ ഖനികളുടെ ചരിത്രം പറയുന്ന പീരീഡ് ഡ്രാമയാണ് ചിത്രം.
ആദ്യ ചിത്രത്തിൽ നിന്ന് വ്യത്യസ്തമായി1951 മുതല്‍ വര്‍ത്തമാനകാലം വരെയുള്ള കഥയാണ് രണ്ടാം ഭാഗത്തില്‍ പറയുന്നത്. ഇന്ത്യന്‍ പ്രധാനമന്ത്രിയായിരുന്ന ഇന്ദിരാഗാന്ധിയും ചിത്രത്തില്‍ കഥാപാത്രമാകുന്നുണ്ട്. ലോകവ്യാപകമായി ഡിസംബറില്‍ കെ.ജി.എഫ് ചാപ്റ്റര്‍ 2 തിയേറ്ററുകളിലെത്തുമെന്നാണ് ഇപ്പോൾ ലഭിയ്ക്കുന്ന സൂചന.
Post Your Comments