കോവിഡ് കാലത്ത് സാമ്പത്തിക ദുരിതം അനുഭവിക്കുന്ന സാധാരണക്കാര്‍ക്ക് സഹായവുമായി എന്നും മുന്‍പന്തിയില്‍ നിന്ന താരമാണ് സോനു സൂദ്. പാടം ഉഴുതുമറിക്കാന്‍ കാളകളില്ലാത്ത കൃഷിക്കാരന് ട്രാക്ടര്‍ നല്‍കിയിരിക്കുകയാണ് താരം.
കാളകളെ വാങ്ങാന്‍ പണമില്ലാത്തതിനാല്‍ പെണ്‍മക്കളുടെ സഹായത്തോടെ പാടം ഉഴുത കൃഷിക്കാരന്റെ വീഡിയോയാണ് സോഷ്യല്‍ മീഡിയയില്‍ വൈറലായിരുന്നു. കൊറോണയെ തുടര്‍ന്ന് ഒരുപാട് നഷ്ടം സംഭവിച്ച ആന്ധ്രപ്രദേശിലെ മാടാനപള്ളിയിലെ തക്കാളി കൃഷിക്കാരന്റെ ദുരിത ജീവതം എന്ന ക്യാപ്ഷനോടെയാണ് വീഡിയോ പ്രചരിച്ചത്.
ഈ വീഡിയോ റീട്വീറ്റ് ചെയ്താണ് സോനുവിന്റെ പ്രതികരണം. “ഈ കുടുംബത്തിന് ഒരു ജോടി കാളകളെയല്ല ആവശ്യം. അവര്‍ക്ക് ഒരു ട്രാക്ടര്‍ ആണ് ആവശ്യം. അതിനാല്‍ നിങ്ങള്‍ക്ക് ഒന്ന് അയക്കുന്നു. വൈകുന്നേരത്തോടെ ഒരു ട്രാക്ടര്‍ നിങ്ങളുടെ വയലുകള്‍ ഉഴുതുമറിക്കും” എന്നാണ് സോനുവിന്റെ ട്വീറ്റ്.
Post Your Comments