മലയാളത്തിന്റെ പ്രിയതാരമാണ് മഞ്ജു വാര്യര്‍. രണ്ടാം വരവിലും തന്റെ നായികാ പദവി പഴയതിലും ശക്തമായി നിലനിര്‍ത്തിയ മഞ്ജു വാര്യര്‍ ഇപ്പോള്‍ സൂപ്പര്‍ താര ചിത്രങ്ങളുടെ ഭാഗമാണ്. എന്നാല്‍ നൂറു കോടിയോ ഇരുനൂറു കോടിയോ നേടുന്ന ചിത്രങ്ങളില്‍ അഭിനയിച്ചത് കൊണ്ട് തന്റെ കരിയറില്‍ അങ്ങനെ വലിയ മാറ്റങ്ങള്‍ ഒന്നുമില്ലെന്ന് മഞ്ജു വാര്യര്‍ പറയുന്നു.
നൂറു കോടിക്ക് മുന്‍പും പിന്‍പും എന്ന് പറയാന്‍ പാകത്തിന് പ്രത്യേകിച്ച്‌ യാതൊരു മാറ്റവുമില്ല എന്നും, എന്നാല്‍ ഇത്തരം വലിയ വിജയങ്ങളുടെ ഭാഗമാവുമ്ബോള്‍ ലഭിക്കുന്ന സന്തോഷം വളരെ വലുതാണെന്നും മഞ്ജു പറഞ്ഞു. തന്നെ വിശ്വസിച്ചു ഒരു നിര്‍മ്മാതാവും സംവിധായകനും ഒരു വേഷം തരികയും അത് നന്നായി വരികയും ആ ചിത്രം വലിയ വിജയമാവുകയും ചെയ്യുമ്ബോള്‍ ലഭിക്കുന്നതാണ് ഏറ്റവും വലിയ സന്തോഷം എന്നും, നൂറും ഇരുനൂറും അല്ല അതിലും വലിയ കോടികള്‍ നേടിയാലും ലഭിക്കുന്നതിലും വലുതാണ് അത് മഞ്ജു വ്യക്തമാക്കി .
ലളിതം മനോഹരം, ജാക്ക് ആന്‍ഡ് ജില്‍, ദി പ്രീസ്റ്റ്, പടവെട്ട്‌, ചതുര്‍മുഖം, കയറ്റം, മരക്കാര്‍ അറബിക്കടലിന്റെ സിംഹം തുടങ്ങി ഒട്ടേറെ ചിത്രങ്ങളാണ് മഞ്ജുവിന്റെതായി അണിയറയില്‍ ഒരുങ്ങുന്നത്.
Post Your Comments