മലയാളത്തിന്റെ പ്രിയ നടി നിക്കി ഗല്‍റാണി വിവാഹിതയാകുന്നതായി റിപ്പോര്‍ട്ട്. തനിക്ക് പ്രണയമുണ്ടെന്നും ഉടന്‍ വിവാഹിതയാകുമെന്നും നിക്കി നേരത്തെ വെളിപ്പെടുത്തിയിരുന്നു. എന്നാല്‍ ആരാണ് തന്റെ കാമുകനെന്ന് നിക്കി പറഞ്ഞിരുന്നില്ല. എന്നാല്‍ നിക്കിയുടെ കാമുകന്‍ തെന്നിന്ത്യന്‍ താരം ആദി പിനിസെട്ടി ആണെന്ന റിപ്പോര്‍ട്ടുകളാണ് ഇപ്പോള്‍ പുറത്തുവരുന്നത്. ആദിയുമായി പ്രണയത്തിലാണെന്നും ഇരുവരും വിവാഹിതരാകാന്‍ പോകുന്നുവെന്നും ചില മാധ്യമങ്ങളില്‍ റിപ്പോര്‍ട്ട് വരുന്നു.
ആദിയുടെ അച്ഛനും സംവിധായകനുമായ രവിരാജ പിനിസെട്ടിയുടെ ജന്‍മദിനാഘോഷത്തില്‍ നിക്കി എത്തിയതോടെയാണ് ഇരുവരും പ്രണയത്തിലാണെന്ന വാര്‍ത്തകള്‍ സജീവമായത്. ആദിയുടെ കുടുംബത്തിനൊപ്പം നിക്കിയും ഇരിക്കുന്ന ചിത്രങ്ങളും സോഷ്യല്‍ മീഡിയയില്‍ വൈറലായിരുന്നു.
‘യാഗവരായിനം നാ കാക്ക’, ‘മറഗാധ നാനയം’ എന്നീ സിനിമകളില്‍ നിക്കിയും ആദിയും നായികാ നായകന്‍മാരായി എത്തിയിട്ടുണ്ട്. നേരത്തെ താന്‍ പ്രണയത്തിലാണെന്നും കാമുകനെ ചെന്നൈയില്‍ വച്ചാണ് കണ്ടുമുട്ടിയതെന്നും നിക്കി വെളിപ്പെടുത്തിയിരുന്നു.
Post Your Comments