മഹാമാരിയായ കോവിഡ് 19വ്യാപനത്തെ തുടര്‍ന്ന് മലയാളസിനിമ മൂന്നുമാസത്തോളമായി നിര്‍ത്തിവച്ചിരിക്കുകയായിരുന്നു. ലോക്ഡൗണ്‍ ഇളവുകള്‍ പ്രഖ്യാപിച്ചതോടെ സിനിമകളുടെ അധികം ആളുകളെ ആവശ്യമില്ലാത്ത തരത്തിലുള്ള പ്രവര്‍ത്തികള്‍ പുനരാരംഭിച്ചു. പോസ്റ്റ് പ്രൊഡക്ഷന്‍ വര്‍ക്കുകള്‍, ഡബ്ബിംഗ്, കമ്പോസിംഗ് എന്നിവ. ചില സിനിമകള്‍ വളരെ കുറവ് ആളുകളെ വച്ച് ഗവണ്‍മെന്റിന്റെ മാര്‍ഗ്ഗനിര്‍ദ്ദേശങ്ങളനുസരിച്ച് ചിത്രീകരണം ആരംഭിക്കുകയും ചെയ്തിരുന്നു.
സംവിധായകൻ ഖാലിദ്, പുതിയ സിനിമയുടെ ചിത്രീകരണം ജൂണ്‍ 22ന് വളരെ കുറച്ച് ആളുകളെ വച്ച് ആരംഭിച്ചു. ഷൈന്‍ ടോം ചാക്കോ, രജിഷ വിജയന്‍, വീണ നന്ദകുമാര്‍, സുധി കൊപ്പ, ഗോകുലന്‍, ജോണി ആന്റണി എന്നിവര്‍ പ്രധാന കഥാപാത്രങ്ങളാകുന്ന സിനിമയ്ക്ക് പേരിട്ടിട്ടില്ല. 20ദിവസത്തിന് ശേഷം ടീം സിനിമയുടെ ചിത്രീകരണം പൂര്‍ത്തിയാക്കിയിരിക്കുകയാണ്. ആഷിഖ് ഉസ്മാന്‍, നിര്‍മ്മാതാവ് സോഷ്യല്‍മീഡിയ പേജിലൂടെ ഇക്കാര്യം അറിയിച്ചിരിക്കുകയാണ്.
കൂടാതെ ഖാലിദിന്റെ സഹോദരന്‍ ജിംഷി ഖാലിദ് സിനിമാറ്റോഗ്രാഫര്‍, നേഹ നായര്‍, യക്‌സന്‍ ഗാരി പെരേര സംഗീതവുമൊരുക്കുന്നു. സിനിമ തിയേറ്ററുകളിലൂടെ റിലീസ് ചെയ്യുമോ അതോ ഒടിടി പ്ലാറ്റ്‌ഫോമിലൂടെയോ എന്ന് ഇതുവരെ അറിയിച്ചിട്ടില്ല.
Post Your Comments