‌”ചെന്നായ മമ്മിയും അങ്കിള്‍ ബഗീരേം തേടുന്നു നിന്നെ”; സൗബിന്റെയും കുഞ്ഞുവാവായുടെയും ചിത്രത്തിന് കലക്കൻ ക്യാപ്ഷനുമായി പിഷാരടി

അടുത്തിടെ ജംഗിള്‍ വൈബ്‌സ് എന്ന ഹാഷ്ടാഗോടെ നടന്‍ സൗബിന്‍ പങ്കുവെച്ച ചിത്രമാണ് സോഷ്യല്‍ മീഡിയയില്‍ വൈറലാകുന്നത്. പുള്ളിപ്പുലിയുടെ തോലുമായി സാമ്യമുള്ള വസ്ത്രം ധരിച്ച് മകനെയും എടുത്താണ് സൗബിന്‍ എത്തിയിരിക്കുന്നത്. പിന്നാലെ കുഞ്ചാക്കോ ബോബന്റെ കമന്റും എത്തിക്കഴിഞ്ഞു.

തന്റെ ചിത്രത്തിന്റെ പേരായ”പുള്ളിപ്പുലിയും ആട്ടിന്‍കുട്ടിയും” എന്നാണ് കുഞ്ചാക്കോ ബോബന്റെ കമന്റ്. പ്രിയ താരത്തിന്റെ രസകരമായ കമന്റും ആരാധകര്‍ ഏറ്റെടുത്തു. രമേഷ് പിഷാരടി ആകാനുള്ള മൈന്‍ഡ് ആണോ എന്നാണ് ഒരു ആരാധകന്‍ കുഞ്ചാക്കോ ബോബനോട് ചോദിക്കുന്നത്. എന്നാൽ പിന്നാലെ കമന്റുമായി രമേഷ് പിഷാരടിയും രംഗത്തെത്തി. ”ചെന്നായ മമ്മിയും അങ്കിള്‍ ബഗീരേം തേടുന്നു നിന്നെ” എന്നാണ് പിഷാരടിയുടെ കമന്റ്. നമിച്ചു അണ്ണാ എന്നാണ് ആരാധകര്‍ പറയുന്നത്. ക്യാപ്ഷനുകളുടെ തമ്പുരാന്‍ എന്നാണ് പിഷാരടിയെ ആരാധകര്‍ വിശേഷിപ്പിക്കുന്നത്.

സൂപ്പർ താരം കുഞ്ചാക്കോ ബോബന്‍ നായകനായെത്തിയ സിനിമയാണ് പുള്ളിപ്പുലിയും ആട്ടിന്‍കുട്ടിയും. ലാല്‍ജോസ് സംവിധാനം ചെയ്ത ചിത്രം കുഞ്ചാക്കോ ബോബന്റെ തിരിച്ചുവരവിലെ ഏറ്റവും വലിയ ഹിറ്റുകളില്‍ ഒന്നായിരുന്നു ഈ ചിത്രം.

https://www.instagram.com/p/CCnHvgZnApV/

https://www.instagram.com/p/CCN8fs6n3Ax/

https://www.instagram.com/p/CAAEX4xnBzj/

https://www.instagram.com/p/B8I_RTpnVmH/