നടനും തിരക്കഥാകൃത്തുമായ വിഷ്ണു ഉണ്ണികൃഷ്ണന്‍ നായകനാവുന്ന ‘രണ്ട്’ സിനിമയുടെ ഫസ്റ്റ് ലുക്ക് പോസ്റ്റര്‍ പുറത്ത്. മോഹന്‍ലാലിന്റെയും മമ്മൂട്ടിയുടെയും ഫെയ്‌സ്ബുക്ക് പേജുകളിലൂടെയാണ് ഫസ്റ്റ് ലുക്ക് പുറത്ത് വിട്ടിരിക്കുന്നത്. ചിത്രത്തിന്റെ അണിയറക്കാര്‍ക്ക് ആശംസയര്‍പ്പിച്ചാണ് മോഹന്‍ലാല്‍ പോസ്റ്റര്‍ പങ്കുവെച്ചിരിക്കുന്നത്. വിഷ്ണുവിനും ടിനി ടോമിനും ആശംസകള്‍ എന്ന് കുറിച്ചാണ് മോഹന്‍ലാല്‍ പോസ്റ്റര്‍ ഷെയര്‍ ചെയ്തത്.
സുജിത് ലാല്‍ സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് ബിനുലാല്‍ ഉണ്ണിയാണ്. റഫീഖ് അഹമ്മദാണ് ഗാനങ്ങള്‍ ഒരുക്കിയിരിക്കുന്നത്. എം ജയചന്ദ്രനാണ് സംഗീതം. ഹെവന്‍ലി മൂവീസിന്റെ ബാനറില്‍ പ്രജീവ് സത്യവ്രതന്‍ ആണ് ചിത്രം നിര്‍മിക്കുന്നത്.
വിഷ്ണു ഉണ്ണികൃഷ്ണനും ടിനി ടോമിനുമൊപ്പം ഇന്ദ്രന്‍സ്, അന്ന രേഷ്മരാജന്‍, ഇര്‍ഷാദ്, സുധി കോപ്പ, കലാഭവന്‍ റഹ്മാന്‍, അനീഷ് ജി മേനോന്‍, മാലാ പാര്‍വതി, നവാസ് വള്ളിക്കുന്ന്, സ്വരാജ് ഗ്രാമിക തുടങ്ങിയവരും ചിത്രത്തില്‍ വേഷമിടുന്നു.
https://www.facebook.com/ActorMohanlal/posts/3085588281496847
Post Your Comments